"16 yaşımda karyeramı bitirdim”

“Uşaqlıqdan futbola marağım olub. 7 yaşımda ilk dəfə, 1986-cı ildə Meksikada keçirilən dünya çempionatının oyunlarını izləmişəm. Məhz həmin mundialda azarkeş kimi formalaşmağa başladım”.

Futbolxeber.az saytının məlumatına görə, bu sözləri AFFA-nın baş katibi Elxan Məmmədov deyib.

CBC Sport kanalında canlı yayımda qonaq olan E.Məmmədov peşəkar tennislə məşğul olduğunu bildirib:

“DÇ-1986-dakı bütün oyunlar yadımdadır. Dünya çempionatından öncə Mexikoda güclü zəlzələ oldu. Hətta Meksikanın mundiala ev sahibliyi edə biləcəyi də şübhə altına düşmüşdü. Çempionatın əvvəlində Fransaya azarkeşlik edirdim. Amma sonradan Almaniya fanatı oldum. Azərbaycan klublarının çıxış etmədiyi yarışlarda isə “Bavarita”ta azarkeşlik edirəm.

Həvəskarlar arasında futzal liqasında uzun illər çıxış etmişəm. 90-cı illərdə həvəskarlar liqası çox maraqlı idi. Sonra ölkə xaricinə yollandım. Hazırda həftədə 1 dəfə futbol oynayıram.

Peşəkar səviyyədə böyük tennislə məşğul olurdum. Sonra zədə aldım və 16 yaşımda beynəlxalq yarışdan öncə peşəkar tennisçi karyeramı bitirdim”.