20 May 2018, Bazar günü
“Bavariya” finalda məğlub oldu
“Qalatasaray” 21-ci dəfə çempion oldu
Etopaz-da bu gün 42 canlı oyun
“Qəbələ” Dion Malonla vidalaşdı

Maqazin

“Neftçi” mərhum əməkdaşlarını andı

Bu gün "Neftçi” klubunun iki əməkdaşı Vahid Həmidov və Alim Məmmədovun vəfatından 8 il ötür.
 
Futbolxeber.az saytının məlumatına görə, bununla bağlı klub anım mətni yayımlayıb. Mətndə deyilir: 
 
“Neftçi”də qısa müddət işləməsinə baxmayaraq, kollektivin sevgisini qazanmış Alim Məmmədov az müddətdə yaddaşlara həkk olundu. Bacarıqlı əməkdaş olmaqla yanaşı Alimin qəlbində doğma "Neftçi”yə ölməz sevgi vardı. Jurnalist kimi həmkarlarının dərin hörmətini qazanmış Alim həm də sadiq dost, etibarlı sirdaş idi. Onun vəfatı həm "Neftçi” ailəsi, həm də Azərbaycan idman jurnalistikası üçün ağır itki oldu. Həmin qəzada dünyasını dəyişmiş kadrlar şöbəsinin əməkdaşı Vahid Həmidov ömrünün son 6 ilini "Neftçi”də çalışdı. İşinin peşəkarı olan Vahid kollektivin dərin hörmətini qazanmışdı. Bu gün onlar cismən bizimlə deyil, amma Vahid və Alimin əziz xatirəsi "Neftçi” ailəsi tərəfindən unudulmayacaq. Mərhum əməkdaşlarımızın ailəsinə Allahdan səbr diləyirik.
Allah rəhmət eləsin!"
 
Qeyd edək ki, Vahid Həmidov və Alim Məmmədovun olduğu avtomobil 2010-cu ildə "Neftçi" Yevlaxda "Karvan"la Azərbaycan Premyer Liqası matçından qayıdarkən Şamaxı - Bakı yolunda qəzaya uğrayıb. Avtomobilin dərəyə yuvarlanması nəticəsində hər iki şəxs vəfat edib.



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2018
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31





Click to Visit