Qaçaqmalçılıqda şübhəli bilinən “Fənərbaxça”nın futbolçusu tutuldu

Türkiyə millisinin və “Fənərbaxça”nın futbolçusu Ozan Tufanın başı dərddədir. Futbolxeber.az-ın məlumatına görə, yerli hüquq-mühafizə orqanları 22 yaşlı yarımmüdafiəçini saxlayıb.

 

Türkiyə mətbuatında bildirilir ki, o, qanunsuz yolla bahalı avtomobil daşıyan mütəşəkkil dəstə ilə iş görməkdə şübhəli bilinir. İstanbul polisi ölkəyə qanunsuz yolla lüks avtomobillər gətirən dəstə ilə bağlı əməliyyat apararaq 100 nəfəri saxlayıb. Onların arasında Ozan Tufanın da olduğu bildirilir. Tufanın sözügedən dəstədən qeyri-qanuni yolla lüks avtomobil ("Maserati") aldığı iddia edilir.

 

Qeyd edək ki, Tufan 2015-ci ildə “Buraspor”dan transfer olunub.