İdmana aid hər şey yeni dizaynda - DSport.Az

2013-ci ildən fəaliyyətə başlayan dailysport.az idman portalı brendinqinə yenilik edib. Portal öz yeni veb-səhifəsini (dsport.az) və loqosunu ictimaiyyətə təqdim edib. Yeni veb-səhifə daha geniş informasiya bazasına malik olması ilə əvvəlkindən (dailysport.az) fərqlənir. Bu veb-səhifə vasitəsilə istifadəçilər dünyada baş verən ən son idman yenilikləri haqqında geniş və ətraflı məlumatlar əldə edə biləcəklər. Veb-səhifədə idman azarkeşlərinin müzakirəsi üçün forum, oyunlardan əvvəl proqnozlar üçün “bukmaker” bölməsi və reklamlar üçün xüsusi bölmə istifadəyə verilib. Bununla yanaşı qarşıdan gələn 2015-ci il ilk Avropa Oyunlarına həsr olunmuş “Bakı-2015” adlı yeni bölmə də istifadəçilərə təqdim olunub. Veb-səhifənin tərtibatında da bir çox yeniliklər tətbiq olunub. Yeni veb-səhifə daha yaradıcı və modern dizaynı və funksionallığı ilə fərqlənir. İstifadə üçün rahat dizayn oxuyucuların lazımi məlumatları asanlıqla tapmasına şərait yaradır.  Veb-səhifənin loqosu dəyişdirilib və daha unikal forma alıb. Əlavə olaraq, veb-səhifədə dsport.az-ın “facebook”, “twitter” və digər sosial şəbəkələrdə fəaliyyət göstərən səhifələrinə birbaşa keçidlər də yerləşdirilib.

Qeyd edək ki, dailysport.az vasitəsilə dsport.az veb-səhifəsinə keçid almaq mümkündür.