Böyükağa Hacıyevin 55 yaşı tamam oldu

Bu gün “Neftçi”nin baş məşqçisi Böyükağa Hacıyevin doğum günüdü. Təcrübəli mütəxəssis 55 yaşını qeyd edir. Futbolçu karyerasında Naxçıvan “Araz”ında çıxış edən Hacıyev məşqçi karyerası ərzində "Neftçi"yə kimi “Araz”, “Maşınsazi” (İran), “Traktorsazi” (İran), “Bakı”, “Standard” futbol və “Araz” futzal klublarını çalışdırıb. 2005-ci ildə bir müddət milli komandada məşqçi işləyən Böyükağa bəy 2011-ci ildən “Neftçi”yə rəhbərlik edir. “Ağ-qaralar” onun başçılığı altında ölkə çempionu olub və Avropa Liqasının qrup mərhələsinə vəsiqə qazanıb. 

Futbolxeber.az saytının kollektivi təcrübəli mütəxəssisi təbrik edir, ona daha böyük uğurlar arzu edir.