19 Sentyabr 2021, Bazar günü
UEFA reytinqində neçənciyik?
Qurbanov: “Çatışmayan bir qol idi”
“Qarabağ”dan qolsuz bərabərlik
Yüksək Liqanın püşkü atıldı

Futzal

Ağatahir Əzimov: "Heç kimdən çəkinmək lazım deyil"

"Normal qrupa düşmüşük. Rəqiblərimiz arasında Rusiya, Portuqaliya, İspaniya kimi daha güclü komandalar da ola bilərdi. Amma hazırkı rəqiblərimizə qarşı mübarizə aparmaq mümkündür".

Futbolxeber.az-ın məlumatına görə, bunu 19 yaşadək futzalçılardan ibarət Azərbaycan millisinin baş məşqçisi Ağatahir Əzimov federasiyanın rəsmi saytına açıqlamasında Avropa çempionatının püşkünü dəyərləndirərkən deyib.

Yığma əsas mərhələdə Xorvatiya, Belarus və Latviya ilə birlikdə VI qrupda mübarizə aparacaq.

“Bilirəm, Xorvatiya ilk çempionatın finalçısı olub. Həmin görüşü izləmişdim. Demək olar, müdafiədən çıxmırdılar. Komandaları ayrılıqda dəyərləndirsək, Xorvatiya ilə oyunumuz daha çətin olacaq. Amma Belarus və Latviya ilə matçlarda yaxşı nəticə qazanmağa çalışacağıq. Meydan düz, top yumrudur. Heç kimdən çəkinmək lazım deyil. Uşaqları da psixoloji baxımdan hazırlaşdıracağıq. Elə edəcəyik ki, nəticələrimiz müsbətə doğru dəyişsin. Ümumi götürsək, bizim üçün komandaların əksəriyyəti güclüdür. Amma vaxtımız var, hazırlaşacağıq" - deyə o bildirib.

Əzimov vurğulayıb ki, sevindirici məqamlardan biri U-19-un yeni mövsümdən Yüksək Liqada iştirak edəcəyidir: "Bu da bizə təcrübə qazandıracaq. Ona qədər isə I MDB Oyunlarında özümüzü sınayacağıq. Sentyabrın 5-də səfərə yollanacağıq. Bir ilə yaxın idi məşq etmirdik, amma bu yarışa hazırlıq məqsədi ilə bir neçə toplanışımız olub. Hətta toplanışlardan biri ölkədən kənarda baş tutub. Heyəti də formalaşdırmağa çalışırıq. U-19 həssas yaş qrupudur. Bir neçə futzalçımız hərbi xidmətə yollanıb".

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2021
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30