28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Futzal

Millimizin hücumçusu: "Çıxışımızı bu şəkildə davam etdirməliyik"

Avropa çempionatının seçmə mərhələsində dünən növbəti oyununu keçirən Azərbaycan millisi inamlı qələbə qazanıb.

Futboxeber.az saytının məlumatına görə, Bakı İdman Sarayında əldə edilən 5:1 hesablı qələbədə Moldova millisinin qapısından 2 topu komandamızın hücumçusu Bolinha keçirib. Görüşlə bağlı Azərbaycan Futzal Federasiyasının saytına açıqlama verən forvard nəticədən məmnunluğunu gizlətməyib:

“Moldova ilə oyunda çox yaxşı nəticə qazandıq. Ancaq buna çətinliklə nail olduq. Xüsusilə də birinci hissənin əvvəli əziyyətli keçdi. İstənilən halda, çıxışımızı bu şəkildə davam etdirməliyik. Aydın məsələdir ki, bunun üçün ağır məşqlər keçirik. Amma bunu etməsək də, məqsədimizə nail ola bilmərik”.

Cari seçmə mərhələdə vurduğu qolların sayını 3-ə çatdıran hücumçunun xüsusilə də Moldova yığmasına vurduğu sonuncu qol diqqət çəkib. Məhz onun zərbəsi ilə matça yekun vurulub: “Bu oyunda iki qol vurdum, məhsuldar ötürmə verdim. Əlbəttə, buna görə çox məmnunam. Hücumçu kimi üzərimə düşəni etməyə çalışdım. Amma nəticəni komanda şəklində qazanırıq. Komanda yoldaşlarımın hamısını təbrik edirəm. Vurduğum ikinci qol maraqlı alındı. Vaxta baxmadım, zərbəni vurduqdan sonra oyunun başa çatdığını bildirən qonq səsləndi. Yenə deyirəm, milliyə kömək edə bildiyim üçün şadam”.

Tyaqo bu rəqiblə 4 gün sonra keçiriləcək oyunun daha çətin keçəcəyini vurğulayıb: “Səfərdəki oyun burdakı görüşdən çətin keçəcək. Çünki bu dəfə biz qonaq qismində meydana çıxacağıq. Moldova millisi isə doğma meydan amilindən istifadə etməyə çalışacaq. İstənilən komanda öz meydanında daha motivasiyalı olur. Yaxşı köklənməli, diqqətli olmalı, üstünlüyümüzü əldən verməməliyik. Hər epizodu qola çevirməliyik. Biz hər zamankı kimi qələbə qazanmaq üçün meydana çıxacağıq. Komandanın qarşısına konkret məqsəd qoyulub. Buna nail olmaq üçün maksimum çalışmalıyıq”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31