29 Mart 2024, Cümə
XXXI və XXXII turun oyun cədvəlləri
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə

Futzal

"Araz"ın futzalçısı: "Ustalıq səviyyəsi çatmadı"

“Oyuna yaxşı başladıq. Heyətlə bağlı problemimiz var idi. Üç oyunçumuz cəza, biri isə zədə üzündən meydana çıxmamışdı”.
 
Futbolxeber.az saytının məlumatına görə, bu sözləri futzal üzrə Azərbaycan çempionu “Araz”ın oyunçusu Nihad İsmayılov Çempionlar Liqasının əsas mərhələsinin III turunun “Luçeneç”lə görüşündən (2:5) sonra Azərbaycan Futzal Federasiyasının saytına açıqlamasında deyib.
 
“Əvvəlki oyunlarda meydanda az olsam da, bu dəfə ilk dəqiqələrdən komandama kömək etməyə çalışdım. Bir neçə futzalçımız var ki, bu cür yarışlarda ilk dəfə iştirak edir. Bunu da nəzərə alsaq, birinci hissədə pis oynamadıq. Hətta avrokuboklarda ilk qolumu vurdum, bunun davamlı olmasını arzulayıram. İkinci hissədə yorğunluq sözünü dedi. Əslində turnirə yaxşı hazırlaşmışdıq. Sadəcə, idman xoşbəxtliyi bu dəfə rəqiblərimizin tərəfində oldu. Bəxtimiz gətirsəydi, üstün oynadığımız hər üç qarşılaşmada qələbə qazanardıq” - deyə o bildirib.
 
"Araz"ın digər oyunçusu Samir Həmzəyev isə turnirdəki çıxışları ilə bağlı bunları söyləyib: “Yaxşı başlanğıcın davamını gətirməyə gücümüz çatmadı. Oyunçuların sayı az idi ki, nəticədə meydandakı futzalçılar yoruldu. Heyətimizdə gənc futzalçılar da var. Bir qədər ustalıq səviyyəsi istənilən səviyyədə deyildi. Çünki bu komandada hər zaman legionerlər çıxış edib və onlar ustalıq səviyyəsinə görə seçiliblər. Bu dəfə həmin ustalıq səviyyəsi çatmadı. Nəticədə yaratdığımız qol epizodlarını realizə edə bilmədik”.
 
"Araz"ın oyunçusu Oktay Rüstəmli isə nəticənin üzücü olduğunu vurğulayıb: “Çətin vəziyyətdə idik. Uşaqların bir neçəsi məlum səbəblərdən meydana çıxa bilmədi. Ona görə də meydanda olan oyunçulara çox yük düşdü. Yorulduq, ardıcıl qollar sayəsində qazandığımız üstünlüyü qoruya bilmədik. Təsəvvür edin, rəqib dörd-dörd əvəzetmə edirdi, bizdə isə bir oyunçu çıxır, digəri daxil olurdu. Rəqibin say üstünlüyü hesaba təsir edən başlıca məqam idi. Təbii ki, bu nəticə üzücüdür. Ardıcıl ikinci mövsümdür ki, elit-raunda yüksələ bilmirik. Turnir göstərdi ki, daha çox məşq etməli, çalışmalıyıq”.



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31