15 Noyabr 2019, Cümə
XIII turun oyun cədvəli açıqlandı
UEFA-dan Əliyara növbəti təyinat
Millimizin heyətində şok itki
Emil Balayev: “Tobol”da qalıram”

Futzal

Rizvan Fərzəliyev: “İlk oyun hər zaman çətin keçir”

Sabah futzal üzrə UEFA kubokunun əsas mərhələsində Azərbaycan çempionu “Araz” ilk oyununu keçirəcək. Futbolxeber.az saytının məlumatına görə, Rumıniyada təşkil edilən qrup mərhələsi çərçivəsində Bosniya və Herseqovinanın “Mostar” klubu ilə üz-üzə gələcək çempionumuzun kapitanı AFF-nin rəsmi facebook səhifəsinə müsahibə verib.

- Komanda oyuna hazırdırmı?

- Əlbəttə, hazırdır. Artıq 2 gündür oyunların keçiriləcəyi Deva şəhərindəyik. Buna qədər hazırlığımızı Bakıda reallaşdırdıq, həm yoldaşlıq, həm də rəsmi oyunlar keçirməklə çatışmazlıqları müəyyənləşdirdik və aradan qaldırmağa çalışdıq. İstənilən halda ilk oyun hər zaman çətin olur.

- “Mostar”ın oyununu izləmisinizmi? Onlara qarşı necə oynayacağınızı müəyyənləşdirmisinizmi?

- Rəqibimiz mübarizəyə ilk mərhələdən başlasa da, güclü komandadır. Heyətində Bosniya və Herseqovina millisinin 6 üzvü bu komandanın formasını geyinir. Eyni zamanda Braziliyadan, Serbiyadan legionerləri var. Baş məşqçiləri isə braziliyalıdır. Baş məşqçimiz rəqibi analiz edib, necə oynayacağımızı da məşqdə çatdırıb. Təbii ki, qələbə ilə başlamaq vacibdir.

- Oyunöncəsi narahatlıq yaradan hansısa problem varmı?

- Elə bir ciddi problemimiz yoxdu. Komanda olaraq oyuna köklənmişik və ancaq matç haqda düşünürük.

- Heyətə yeni qoşulan futzalçılar ayrılanları layiqincə əvəzləyə biləcəklər?

- Komanda çox yaxşı vəziyyətdədir. Yeni dəvət edilən oyunçuların köməyi dəyəcək. Müqayisə aparmağın tərəfdarı deyiləm. Çünki heyətlə bağlı qərarları baş məşqçi verir. Onlar bu gün “Araz”ın heyətindədirsə, deməli, baş məşqçinin etimadını qazanıblar.

- Rəqiblər arasında ən təhlükəli hansını hesab edirsiniz və nəyə görə?

- Hər bir rəqibə hörmətlə yanaşmaq lazımdı. Çünki bu mərhələyə zəif komanda vəsiqə qazanmır. Fərqləndirmək mütləqdirsə, “Deva”nın adını qeyd edərdim. Çünki bu komandanın heyəti Rumıniya millisinin üzvlərindən fomalaşıb. Üstəlik, meydan sahibidirlər.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2019
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30