Futzal
İlk tura baxış: iranlıların axını, ümid verməyən “Araz” LAYİHƏ
Futbolxeber.az saytı qalib olduğu AFFA yanında Media Komitəsinin “Futzal: mövcud durum və perspektiv üfüqləri” layihəsi çərçivəsində yazılarını davam etdirir. Sentyabrın son günü futzal üzrə ölkə çempionatında yeni mövsümə start verildi. Budəfəki yazımız məhz 2017/18 mövsümünün açılış turuna həsr olunub.
Sentyabrın 30-da futzal üzrə ölkə çempionatı start götürdü. “Xəmsə”nin istirahət etdiyi açılış turunun oyunları “ABU-Arena”da keçirildi. 3 oyunda qapılara 13 qol vuruldu ki, bu da hər oyuna orta hesabla 4,33 qol deməkdir. Vurulan toplardan 7-si yerlilərin, 6-sı isə əcnəbilərin payına düşüb. Yalnız bir oyunçu - “Neftçi”nin üzvü Meşədi Davud dubl edib. Digər 11 qola isə fərqli oyunçular imza atıb.
“YASAMAL” SONDA TƏSLİM OLDU
Mövsümün açılış oyununda “Neftçi” “Yasamal”la üz-üzə gəldi. Ötən mövsümlə müqayisədə hər iki komandanın heyətində xeyli dəyişiklik olub. Həm “Neftçi”, həm də “Yasamal” iranlı legionerlərlə güclənib. Lakin “Yasamal”dan fərqli olaraq, “ağ-qaralar”ın heyətində təcrübəli oyunçuların olması komandanın çıxışına müsbət təsir göstərir. İstər qapıçı Elnur Zamanov, istərsə də kapitan Rüfət Balakişyev ən çətin anlarda oyunu üzərinə götürməyi bacarırdı. İlk hissədə Davud Məşədi “Neftçi”ni hesabda önə keçirdi. Fasilədən sonra “Yasamal” cavab qolunu vurmağa müvəffəq oldu. 26-cı dəqiqədə “Ağ-qaralar” yenidən önə keçdi. Qalan dəqiqələrdə hər iki tərəf xeyli qol şansı yaxalasa da, uzun müddət hesab arasındakı fərq dəyişmədi. Yalnız son 2 dəqiqədə rəqibi əks-hücumda yaxalayan “Neftçi” yekunda 4:1 hesablı qələbəsini rəsmiləşdirdi.
“ARAZ”IN OYUNU ÜRƏKAÇAN OLMADI
Turun mərkəzi oyununda “Ekol” və “Araz” üz-üzə gəldi. Digər iki matçla müqayisədə bu oyuna maraq daha çox idi. Təsadüfi deyil ki, Azərbaycan Futzal Federasiyasının prezidenti Zaur Axundov ilk turda məhz bu görüşü arenadan izlədi.
Son illərin dəyişməz çempionu “Araz” cari mövsümün də 1 nömrəli favoritidir. Naxçıvan təmsilçisinə 2 klub başağrı ola bilər ki, onlar da “Ekol” və “Neftçi”dir.
Oktyabrın 11-14-ü aralığında çempionumuz Rumıniyada UEFA kuboku çərçivəsində mübarizə aparacaq. Bu səbəbdən də “Araz” səfərə yollanmamışdan öncə necə təsir bağışlayacağı maraq doğururdu. Hadisələri qabaqlayaraq deyək ki, Alessionun komandası “Ekol”la görüşdə heç də inamlı təsir bağışlamadı. Düzdür, komandanın məsul yarış öncəsi gücünü qoruduğunu iddia edənlər də vardı. Amma yenə də komanda hər zaman öyrəşdiyimiz kimi parlaq təsir bağışlamadı.
“Ekol”la matçda “Araz”ın heyətində 3 yeni legioner də debüt etdi. Maykon De Silva, Karvalho dos Santos və Qabriel Bastosdan gedir. Həmin oyunçuların debütunun parlaq alındığını söyləmək çətindir.
“Ekol”la matçda “Araz” hər hissədə vurduğu 1 qolla 2:1 hesablı qələbəyə sevindi.
DEBÜTANLARIN OYUNUNDA ƏZMKAR QƏLƏBƏ
Turun son matçında 2 debütant “İtaldizayn” və “Marafon” üz-üzə gəldi. Bu komandaların oyununa da maraq böyük idi. Çünki mütəxəssislər hər iki komandanın çempionata rəng qatacağını iddia edirdilər. Bir tərəfdə Ağatahir Əzimov, Rəcəb Fərəczadə kimi təcrübəlilərin yer aldığı “İtaldizayn”, digər tərəfdə isə 5 iranlı legioneri heyətinə qatan, Renat Sultanovun kapitanı olduğu “Marafon”.
Qarşılıqlı hücumlar şəraitində keçən görüşdə uzun müddət qol vurulmadı. Azarkeşlər yalnız ilk hissənin sonuna 3 dəqiqə qalmış hesabın açılmasına şahidlik etdilər. Elşən İbrahimxəlilov “İtaldizayn”ı önə keçirdi. Lakin fasilədən sonra “Marafon” oyunda dönüş yaratmağı bacardı. Son 4 dəqiqəsində 3 qolun vurulduğu debütantların mübarizəsi “Marafon”un 3:2 hesablı qələbəsi ilə başa çatdı.
İRANLILAR: I DİVİZİONDAN FUTZALA
Ötən mövsüm futbol üzrə Azərbaycanın I divizionun iranlı legionerlərin çoxluğu diqqət çəkirdi. Hətta normal şəraiti olmayan, oyunçularına maaş verə bilməyən kollektivlər də cənubdan olan əcnəbiləri heyətinə qatmışdı. Maraqlıdır ki, ötən il I divizionda müşahidə edilən hal indi də futzal çempionatında yaşanır. Belə ki, ilk turun oyunlarının protokollarına diqqət yetirsək, görərik ki 17 iranlı oyunçunun adına rast gəlmək mümkündür. Belə ki, ilk turda “Neftçi”ni iştirak ərizəsində 4, “Yasamal”da 8, “Marafon”da isə 5 iranlının adı yer alıb.
TURUN OYUNÇUSU...
İlk turda bir neçə oyunçu oldu ki, inamlı oyunları ilə diqqət çəkdilər. Amma ən yaxşı adına “Neftçi”nin üzvü Davud Meşədi Xol daha layiqdir. “Ağ-qaralar”ın 4 nömrəsi istər fiziki göstəriciləri, istər gücü, istərsə də texnikası ilə göz oxşayır. “Yasamal”la matçda meydanın ən yaxşısı olan Meşədi dubl etməklə də komandasının qələbəsində böyük pay sahibi oldu. İranlı legionerin xüsusən birinci qolu baxımlı alındı. Komanda yoldaşının ötürməsini Davud Meşədi birbaşa, havadaca endirdiyi qarşısıalınmaz zərbəylə rəqib qapısından keçirdi.
...KADRI...
...QAYIDIŞI
Çempionatın debütantı "FK. İ.D. Futsal" - "Marafon Futsal" (2:3) matçını izləyənlərin əksəri meydanda Ağatahir Əzimovu görəndə təəccübləndilər. İllərin təcrübəsi, Azərbaycan futzalında öz imzası olan Ağatahir Əzimov yenidən meydana idi. Təcrübəli oyunçu "FK. İ.D. Futsal"ın kapitan sarğısını daşıyır. Meydana start heyətində çıxan Əzimov texnikası, ağıllı ötürmələri ilə cavanlığını xatırlatsa da, sürət o sürət deyildi...
“İNDİKİ CAVANLAR ÖYRƏNMƏK İSTƏMİRLƏR”
Qarşılaşmadan sonra Ağatahir Əzimovla söhbətləşdik. Təcrübəli oyunçu komandasının mövsümə məğlubiyyətlə başlamasına məyus olsa da, suallarımızı cavablandırdı. İlk öncə Əzimov yenidən meydana qayıtmasından danışdı: “Əslində, keçən il də 1-2 oyunda meydana çıxmışdım. Ondan qabaq isə “Fənərbaxça”da oynamışdım. Təbii ki, hazırda əvvəlki səviyyədə oynaya bilmirəm. Bu da normaldır. Hiss edirəm ki, o qədər də sürətli deyiləm. Əvvəl istənilən oyunçudan topu atıb qaça bilirdim. Amma indi alınmır. Ona görə də ancaq pasla oynayıram. Sürətimin zəif olması rəqiblər üçün üstünlükdür. Onlar da topu atıb məndən qaça bilərlər. Çalışıram ki, təcrübəm hesabına buna imkan verməyim”.
Təcrübəli oyunçu cari mövsüm yüksək liqada maraqlı mübarizə gedəcəyinə inanır. Bunu isə iranlı legionerlərin axını ilə əlaqələndirir:
“İlk turdan da görsəndi ki, bu il çempionatın səviyyəsi ötən illə müqayisədə yüksək olacaq. Ötən mövsüm “Araz”la “Ekol” və “Neftçi”ni rahat üstələyirdi. O iki komanda ilə digərləri arasında da kifayət qədər səviyyə fərqi var idi. Ötən mövsüm birinci divizion yüksək liqada daha marqlı idi. Lakin indi vəziyyət dəyişib. Bunu da legioner axını ilə əlaqələndirmək olar. “Araz”ın heyətində braziliyalılar, digərlərində isə iranlı legionerlər çoxdu. Yalnız biz və səhv etmirəmsə, “Xəmsə”nin heyətində əcnəbi yoxdur”.
“Cavanlar Ağatahir Əzimovdan öyrənirlərmi” sualını təcrübəli oyunçu belə cavablandırıb: “Cavanlarımız öyrənmək istəyirlər ki?! (gülür) Öyrənən öyrənir, öyrənməyən də .... Təəssüf ki, səviyyə elə də yüksək deyil, Çünki məktəb, oyunçu yetişdirən yoxdu. Söz də deyirsən, xətirlərinə dəyir”.
Bir müddət əvvəl Ağatahirin səhhətində ciddi problem yaşandığı barədə xəbərlər yayınmışdı. Əzimov bu məsələyə də aydınlıq gətirdi:
“Sadəcə təzyiqim qalxmışdı. Mən də bir neçə iynə vurduğum üçün dərhal düşdü. O vəziyyətdə meydana çıxdım və bu da mənfi təsir göstərdi. Şükür Allaha, ciddi bir problem yoxdur. Hələ ki özümdə oynamağa güc hiss edirəm”.
Hazırladı: İBRAHİM
“Layihə AFFA yanında Media Komitəsi tərəfindən maliyyələşdirilir”
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Zirə” və “Birbaşa Bakı”dan növbəti qələbə
- “Ağ-qaralar”ın “Black Friday”i
- Azərbaycan derbisinə sözardı
- Fariz Nəcəfov: “Razı olmaram ki, “Qəbələ”yə görə idman prinsipləri pozulsun”
- AFFA prezidentliyinə və İcraiyyə Komitəsinə namizədlər açıqlandı
- “Qarabağ FK - 30 mövsüm səfərdə” sənədli filminin təqdimatı olub
- ETOPAZ - uduşun təminatı!
- “Zirə”dən alqışlanası addım
- AFFA prezidentliyi ilə bağlı son durum - hər şey böhran vəziyyətinə doğru?
- Rövnəq Abdullayev Ağsu şəhər stadionuna baxış keçirib
- Şahin Diniyev: “Nəticə baxımından uduzduq, oyun baxımından deyil”
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
- Yaşar Seyidov: “Yeni dövlət proqramı futbolun inkişafına zəmin yaradacaq”
- "Açığı, mən də düşünürdüm ki, Azərbaycan çempionatında "bir ayaqla" oynayacam"
-
17:56
Ağırlıqqaldıranlar üçün antidopinq seminarı keçirilib
-
17:45
Azərbaycan Premyer Liqasında 4 oyun üçün hakim təyinatları
-
17:24
Millimizin braziliyalı baş məşqçisi Avropa çempionatına vəsiqəni hədəfləyir
-
17:09
“Səbail” növbəti mövsümə aşağı diviziondan başlayacaq?
-
16:32
"Böyük İpək Yolu"nun qalibi: "Rəqiblərim güclü olsa da, yarış mənim üçün yaxşı keçdi"
-
16:11
“Qarabağ” qızıl medalları bu tur təmin etsə, çempionluq kubokuna nə vaxt qovuşacaq?
-
15:53
Azərbaycan boksçusu "Böyük İpək Yolu" turnirində qızıl medal qazanıb
-
15:07
Azərbaycan millisinin baş məşqçisi: "Komandamızın səviyyəsini gördük"
-
14:28
"Neftçi"nin heyətində 2 itki
-
14:00
"Turan Tovuz" məşqlərini davam etdirir FOTOLENT
-
13:46
Azərbaycan millisinin Avropa çempionatında potensial rəqibləri məlum olub
-
13:34
Millimizin kapitanı: “Azərbaycan xalqı bizdən nəticə gözləyir”
-
13:15
Ağabala Ramazanov qayıtdı - FOTO
-
12:57
"Sumqayıt"da üzlər gülür FOTOLENT
-
12:39
Azərbaycan minifutbol çempionatı: 1/4 final cütləri müəyyənləşib
-
12:25
Azərbaycan gimnastları Fransada beynəlxalq turnirdə iştirak edəcəklər
-
12:12
Millimizin üzvü İndoneziya klubunda
-
11:58
Azərbaycan millisi "Qalatasaray"a qalib gəlib
-
11:03
Azərbaycanın daha 4 boksçusu Bakıdakı beynəlxalq turnirin finalına vəsiqə qazanıb
-
10:46
Minifutbol çempionatı: pley-offun bütün iştirakçıları müəyyənləşdi
-
10:24
"Zirə"nin hücumçusu Burkino Fasoya qarşı oynadı
-
10:11
Orxan Məmmədov millinin hazırlıq planı ilə tanış olub FOTOLENT
-
09:59
Azərbaycan Kubokunda sonuncu yarımfinalçı müəyyənləşib
-
09:47
"Neftçi" "Qəbələ" səfərinə hazırlaşır FOTOLENT
-
09:30
Azərbaycan cüdoçuları Almaniyada təlim-məşq toplanışlarına qatılıblar
-
18:07
“Neftçi”yə lazım olmayan hücumçu "Mölde"də
-
17:51
"Selcan Mahsudovanın uğuru bizi qürurlandırır"
-
17:25
Azərbaycan millisi beynəlxalq turniri 9 medalla başa vurub
-
16:48
Hakimlər üçün seminar keçirilib
-
16:36
Azərbaycan millisi İrəvana getməkdən imtina etdi
-
16:19
Bölgə komandası çempionatdan kənarlaşdırıldı
-
16:13
AFFA hakimin şərəf və ləyaqətini alçaldan məşqçini futboldan uzaqlaşdırdı
-
15:54
"Şəmkir"in futbolçusundan baxımlı qol VİDEO
-
15:22
Azərbaycan gimnastı: “Olimpiadaya lisenziya qazanmaq uşaqlıq arzum idi”
-
15:01
Azərbaycan avarçəkəni beynəlxalq turnirdə gümüş medal qazanıb
-
14:48
Azərbaycanın 5 ağırlıqqaldıranı Dünya Kubokunda çıxış edəcək
-
14:35
Azərbaycan Voleybol Federasiyası daha bir layihəyə başlayacaq
-
14:17
II Liqada 5 turun oyun cədvəli açıqlandı
-
13:56
PFL rəsmilərinin son durumu açıqlandı
-
12:20
IV Avropa Oyunları İstanbulda keçiriləcək
-
11:49
"Azərreyl"in üzvü: "Hədəfimiz pley-offda uğurumuzu davam etdirməkdir"
-
11:32
Lunyov: “2-5 mövsüm yaxşı səviyyədə oynaya bilərəm”
-
11:14
"Zirə"dən ardıcıl 15-ci qələbə
-
10:51
AFFA-nın yeni baş katibi o olacaq - ÖZƏL
-
10:28
Azərbaycanın 2 boksçusu "Böyük İpək Yolu"nda bürünc medal qazanıb
-
10:03
“Səbail”in hücumçusu: 1 qol, 2 qələbə
-
09:47
Benzia bu dəfə dubl etdi VİDEO
-
09:30
Gürcüstanın tarixi qələbəsi VİDEO
-
21:24
Millimiz Ukrayna ilə bacarmadı VİDEO
-
18:48
Samir Əliyev: "Mənim yerimdə kim olur-olsun, çətin məsələdir"