28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Etopaz

Zəfər Kubokunun bütün iştirakçıları və püşkatma tarixi müəyyənləşib

İdman Araşdırmalar Mərkəzi və ETOPAZ-ın 10 illik yubileyi münasibətilə jurnalistlər arasında keçiriləcək mini-futbol üzrə Zəfər Kubokunun bütün iştirakçıları müəyyənləşib.

Futbolxeber.az saytının məlumatına görə, mayın 4-də start götürəcək turnirə 12 komanda qatılacaq. 

İştirakçılar arasında Birinci Qarabağ müharibəsi və 44 günlük Vətən müharibəsi qazilərindən ibarət "Veteranlar", mərhum jurnalist Elnur Əşrəfoğlunun uzun müddət çalışdığı AzTV ("İdman" TV) kollektivi, onun jurnalist dostlarının yer aldığı "Elnurun komandası", son illər media turnirlərində çıxış etdiyi "Bakı" da var. "Elnurun dostları" komandasında E.Əşrəfoğlunun qardaşı Rəşad Şükürov da çıxış edəcək.

Şəhid jurnalist Məhərrəm İbrahimovun qardaşı Əsgər İbrahimov isə "Report" komandasında oynayacaq.

Bundan başqa, ARB telekanalı, "Teleqraf Holdinq", "Futbol+" qəzeti, "İctimai-siyasi jurnalistlər", Azərbaycan İdman Jurnalistləri Federasiyasının 2021-ci ildə təşkil etdiyi "Qarabağ Azərbaycandır!" turnirində mübarizə aparmış "Xəzər", "Şuşa" və "Kəlbəcər" komandaları da Zəfər Kubokunun iştirakçıları arasındadır.

Mayın 22-də "Report" agentliyinin ofisində keçiriləcək püşkatma mərasimi saat 15:00-da başlayacaq. Tədbirə Zəfər Kubokunun Təşkilat Komitəsinin üzvləri və komandaların nümayəndələri qatılacaqlar.

Püşk nəticəsində iştirakçı komandalara "Ağdam", "Cəbrayıl", "Füzuli", "Xankəndi", "Xocalı", "Xocavənd", "Kəlbəcər", "Qubadlı", "Laçın", "Suqovuşan", "Zəngilan" və "Şuşa" adları veriləcək.

Daha sonra onlar hər birində 3 komanda olmaqla, 4 qrupa bölünəcəklər. Dairəvi sistemlə keçiriləcək mübarizə nəticəsində qrup qalibləri yarımfinala yüksələcəklər. Yarımfinalda qalib gələnlər isə iyunun 19-da keçiriləcək final matçında iştirak edəcəklər.

Qeyd edək ki, Zəfər Kuboku Azərbaycanın ilk onlayn qanuni mərc saytı ETOPAZ-ın baş sponsorluğu, "Kəhriz su"nun tərəfdaşlığı, "Report" agentliyinin informasiya dəstəyi ilə gerçəkləşəcək.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31