11 Avqust 2020, Çərşənbə axşamı
“Qəbələ”də albaniyalı müdafiəçi
“Sumqayıt”ın 41 yaşlı rəqibi - "Şkendiya"
"Ağıllı oynayıb qalib gəlməliyik"
Canni De Byazi Bakıya gəldi

Ölkə futbolu

Millimizin hücumçusu: “Ronaldo ilə birgə meydanda olmaq böyük şərəfdir”

Milli komandamızın və Türkiyənin "Sivasspor" klubunun hücumçusu Cihan Özkara Almaniya mətbuatına müsahibə verib. Həmin müsahibəni təqdim edirik.

- DÇ-2014-ün seçmə mərhələsi çərçivəsində Azərbaycan millisinin heyətində dünyanın ən güclü futbolçusu Kriştiano Ronaldoya qarşı oynamısan. Ona qarşı oyunda hər hansı həyəcan hiss etmədin ki?

- Oyundan öncə həyəcanlı idim. Sanki mədəmə ağrılar girmişdi. Bununla belə, Ronaldo ilə birgə meydanda olmaq böyük şərəfdir. Onun varlığı belə stadionda xüsusi atmosfer yaradırdı. Ancaq hakimin start fitindən sonra heç kəs onun barəsində düşünmürdü. Hər kəs öz oyununa köklənmişdi.

- Oyun zamanı Ronaldo ilə fərdi mübarizən oldumu?

- Həm də necə. Mənim əsas işim standart vəziyyətlər zamanı onun qarşısını almaq idi. Təbii ki, bu da səndən böyük fiziki güc tələb edirdi. Standart vəziyyətlər zamanı ona müdaxilə etməli və başla oynamasına imkan verməməli idim. Əks halda onun qarşısını almaq mümkün deyildi. Hər kəs bilir ki, Ronaldo fürsət düşən kimi rəqibi özünəməxsus fintləri ilə keçib, qolunu vurur. Düzdü həmin oyunda biz məğlub olduq - 0:3. Lakin Ronaldo qol vura bilmədi. Bununla da, missiya başa çatdı.

- Millidəki baş məşqçin Berti Foqts 2013-cü ildə "Qızıl top"a namizədlərdən Kriştiano Ronaldoya, kapitanın Rəşad Sadıqov isə Frank Riberiyə səs verdi. Hansının qərarının daha düzgün olduğunu düşünürsən?

- Hər ikisi yüksək səviyyəli futbolçulardır. Ancaq ötən il Ronaldo "Qızıl top"a daha layiq idi. Berti Foqtsun qərarı ilə razıyam.

- Foqtsun özü də vaxtilə dünya ulduzu olub. Xüsusilə də baş məşqçi kimi...

- Foqts nəinki yaxşı baş məşqçi, eləcə də böyük insandır. Onunla işlədiyim üçün çox xoşbəxtəm və bununla qürur duyuram. Foqtsla müqavilənin müddəti uzadıldığı üçün çox sevincliyəm.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2020
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31