“Simurq” Almaniya və Rumıniya klubları ilə görüşəcək

"Simurq" qış təlim-məşq toplanışı çərçivəsində Antalyada dörd yoldaşlıq görüşü keçirməyi nəzərdə turub. Futbolxeber.az-ın məlumatına görə, artıq komandanın iki rəqibi məlumdur.

Georgi Çixradzenin yetirmələri yanvarın 16-da Almaniyanın Qərb Regional Liqasında mübarizə aparan "Velbert" klubu ilə qarşılaşcaq. Oyun Bakı vaxtı ilə saat 17:00-da start götürəcək.

“Simurq”un qardaş ölkədəki ikinci rəqibi isə Rumıniyanın "Vasluy" klubu olacaq. Zaqatala təmsilçisinin bu yoxlama görüşü isə yanvarın 19-da keçiriləcək.  

Qeyd edək ki, digər iki yoldaşlıq görüşlərindəki rəqibləri və keçirilmə vaxtları haqqında isə yaxın günlərdə ətraflı məlumat veriləcək.