15 Sentyabr 2019, Bazar günü
"Zirə" və "Qəbələ"dən qələbə
“Limit futbolumuza mane olur”
Rafiq Hüseynov finalda!
Məhəmmədrəsul nokautla qalib gəldi

Ölkə futbolu

“Ağıllı insanlar üçün futbol çox rahat oyundur” (Müsahibə)

Rusiyanın Sankt-Peterburq şəhərində keçirilən Valentin Qranatkinin xatirə turnirində iştirak edən 1996-97-ci il təvəllüdlü futbolçulardan təşkil olunmuş Azərbaycan yığma komandasının və “Bakı” klubunun yarımmüdafiəçisi Mahir Mədətov affa.az saytına müsahibə verib.

- Turnir barədə təəssüratların necədir?

- Bu turnir komandamız üçün hazırlıq baxımından əla şansdır. Çünki bu yaş qrupunda olan futbolçular ilk dəfədir yığmada bir yerə yığışır. Düzdür, bu yarışa qədər Bakıda təlim-məşq toplanışında olmuşduq. Lakin komandamızın nəyə qadir olması məhz belə turnirlərdə özünü göstərir. Əsas məqsədimiz qarşıdakı Avropa çempionatının seçmə mərhələsində uğurlu çıxış etməkdir.

- İlk qarşılaşmada yarımmüdafiənin sol cinahında çıxış edirdin. Demək olar ki, komandamızın bütün hücumları da məhz həmin mövqedən başlayırdı. Lakin Çexiya ilə qarşılaşmada mövqeyini dəyişmişdin…

- Əslində, Çexiya yığması ilə qarşılaşmaya da sol cinah yarımmüdafiəçisi kimi başladım. Lakin sonradan məşqçinin qərarı ilə mövqeyimi dəyişdim. Sol cinahda əsas işim rəqibin cərimə meydançasına daha çox asmalar etmək idi. Baş məşqçimiz Çexiya yığması ilə görüşdə məni sağ cinaha keçirməklə qapıya daha çox zərbələr vurmağımı istədi. Mövqeyimin dəyişməsi komandamızın məğlubiyyətinə səbəb ola bilməz. Çünki komanda bir futbolçudan ibarət deyil. Lakin etiraf edim ki, yunanlarla oyunda göstərdiyim əzmkarlıq məni bir qədər yormuşdu. Buna görə də Çexiya ilə qarşılaşmada istənilən oyunu nümayiş etdirə bilmədim. Halbuki bu qarşılaşmada qələbə qazanmağı daha çox istəyirdik. Sadəcə, oyunumuz alınmadı.

- Bir qədər də klubdakı çıxışın barədə. Yayda “Portu”ya keçidin barədə xəbərlər yayılsa da, keçid reallaşmadı…

- Bu işlərlə “Bakı” klubunun rəhbərliyi məşğul olurdu. Mənim işim isə, sadəcə, onlardan cavab gözləmək idi. Sonradan mənə “Lans”a gedəcəyim barədə xəbər verdilər. Bu turnirdən sonra məsələnin reallaşacağı gözlənilir.

- “Lans”ın əsas komandasında oynayacaqsan?

- Bəli.

- Amma “Bakı”da əvəzedici komandada çıxış edirsən…

- Düzdür, “Bakı”da əsas komandada çıxış etməsəm də, onlarla birgə məşq edirəm. Əsas komandanın futbolçularından çox şey öyrənirəm.

- Etiraf edək ki, “Lans” kimi klubun əsas heyətinə düşmək o qədər də asan deyil…

- Məncə, hər bir çətinliyin öhdəsindən gəlmək olar. Bunun üçün istək lazımdır. Çox xoşum gələn bir deyim var: “Ağıllı insanlar üçün futbol çox rahat oyundur”.

- “Lans”ın oyunlarını izləmisənmi?

- Oyunlarının videoyazılarını izləmişəm. Bu komandada daha çox fiziki güc tələb olunur. İnanıram ki, bunun öhdəsindən gələ biləcəyəm.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30