29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

“İnter”dən başqa heç bir komandada oynaya bilmərəm” ÖZƏL

“İnter”in müdafiəçisi Elhad Nəziri yanvarda komandanı tərk edəcəyi haqda yayılan xəbərlərə aydınlıq gətirib. Futbolxeber.az saytına verdiyi açıqlamada gənc müdafiəçi ən azı cari mövsümün sonuna kimi “bankirlər”in şərəfini qoruyacağını bildirib: “İnter”i tərk edəcəyim haqda yayılan xəbərlər yalandır. Komanda ilə 1 illik müqavilə imzalamışdım. Mövsümün sonuna kimi də “İnter”i tərk etməyəcəm. Bu mövsüm “İnter”dən başqa heç bir komandada oynaya bilmərəm. Çünki cari mövsümdə bu şərəfini qoruduğum ikinci komandadır. Bir futbolçu mövsüm ərzində 2-dən artıq komandada oynaya bilməz. Bu səbəbdən də əminliklə söyləyirəm ki, yaya qədər “İnter”i tərk etməyəcəyəm”.

Nəziri baş məşqçi Kaxaber Tsxadadzenin “qara siyahı”sına düşmədini vurğulayıb: “Komandadan gedəcəyim haqda xəbərləri mən də mətbuatdan oxuyuram. Yox, nə “qara siyahı”? Tsxadadze və klub rəhbərliyi ilə aramızda heç bir problem yoxdur. Dediyim kimi, yaya kimi “İnter”də qalacağam. Əgər, vəziyyət düzəlsə, əsas heyətdə yer alsam, komandanı tərk etməyəcəyəm. Yox, hər şey əvvəlki kimi olsa, yayda “İnter”dən gedəcəyəm. Bu dəfə yenidən xaricə üz tutacağam”.

“İnter”in əsas heyətinə niyə düşə bilmirsən” sualını isə Nəziri belə cavalablandırıb: “Komandaya qoşulduqdan sonra zədələndim. Hər bir məşqçi istər ki, komandaya gətirdiyi futbolçu meydana çıxıb, xeyir versin. Müəyyən səhvlərim də oldu. Amma indi zədəmi bərpa etmişəm. Əsas heyətlə məşq edirəm. Oyun praktikamı itirməmək üçün əvəzedicilərin heyətində meydana çıxıram. Qarşıdan təlim-məşq toplanışı gəlir. İnanıram ki, hazırlıq prosesində özümü ən yaxşı tərəfdən göstərib, əsas heyətdə özümə yer edəcəyəm”. 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31