“Bu, ilin ən çətin oyunu olacaq”

“Mənə elə gəlir ki, bu, ilin ən çətin oyunu olacaq. “İnter” fərqli sistemlə çıxış edən özünəməxsus üslubu olan çətin komandadır”. Futbolxeber.az-ın məlumatına görə, bu sözləri “Bakı”nın baş məşqçisi Milinko Pantiç deyib. Klubun rəsmi saytına sabah “İnter”ə qarşı keçiriləcək oyun haqda danışan Pantiç rəqibə hörmətlə yanaşdıqlarını bildirib: “Oyunlarına baxanda bütün mövqelərin “işlədiyi”ni görmək olar. Üstəlik, qol imkanlarından səmərəli istifadə edə bilirlər. Mən bu komandaya hörmətlə yanaşıram. Onlar indi yüksəlişdədilər.  Baxmayaraq ki, çempionatın əvvəlində rəqib aşağı pillələrdə qərar tuturdu, indi “İnter”in, tədricən, üst mövqelərə qalxması onların, həqiqətən də, güclü olduğunu göstərir”.