"Azərbaycan və Türkiyə qadın futbolunda inkişafda olan ölkələrdir”

“Azərbaycanda olmaqdan böyük məmnunluq hissi duyuruq. Yüksək səviyyədə qonaqpərvərliyə görə təşəkkür edirik". Futbolxeber.az-ın məlumatına görə, bu sözləri yığmamızla oyundan sonra Türkiyənin qızlardan ibarət U-19 yığmasının baş məşqçisi Talat Tuncel deyib. O, ikinci matçda üstün olduqlarını bildirib: "İlk oyunda başabaş mübarizə getdi. İkinci qarşılaşmada isə mübarizə əsasən meydanın rəqibə aid hissəsində keçdi. Qol vurmaqda çətinlik çəkirik. Sonda standart vəziyyətdən fərqləndik. Aprel ayında Avropa çempionatının elit-raund mərhələsində mübarizə aparacğımız üçün yaşca böyük futbolçuların xidmətindən yararlanmağa məcbur olduq. Bu oyunlar hər iki komanda üçün yaxşı hazırlıq idi. Azərbaycan yığmasını bəyəndim. Azərbaycan və Türkiyə qadın futbolunda inkişafda olan ölkələrdir”.