"İnter" - "Neftçi": Nikolovu vurdular, Süleymanov ona uzanan əli geri çevirdi (ÖZƏL)

Futbolxeber.az dünən Azərbaycan Premyer Liqasının 14-cü turu çərçivəsində keçirilən "İnter" - "Neftçi" oyunundan sonra yaşanan davanın bəzi təfərrüatlarını öyrənib. Hadisə şahidlərinin Futbolxeber.az saytına verdiyi məlumata görə, insident zamanı Vaqif Cavadovun üzərinə hücum olunduğunu görən "bankirlər"in prezidenti Georgi Nikolov aranı sakitləşdirmək istəsə də, kimsə onu arxadan vuraraq, qaçıb. Bundan hiddətlənən Nikolov isə bildirib ki, bu, kişiyə yaraşan hərəkət deyil: "Adamı arxadan vurub, qaçırlar".

Digər bir maraqlı məqam isə ondan ibarətdir ki, Nikolov oyundan sonra "Neftçi"nin vitse-prezidenti Tahir Süleymanova əl uzatsa da, "ağ-qaralar"ın rəsmisi onun əlini geri çevirib.