"Sumqayıt" Vüqar Əskərovu transferə çıxardı

"Sumqayıt" Futbol Klubunun hücumçusu Vüqar Əskərov transferə çıxarılıb. Futbolxeber.az-ın klubun rəsmi saytına istinadən verdiyi məlumata görə, Vüqar cari mövsümdə Azərbaycan Premyer Liqasında 12 qarşılaşmada ümumilikdə 792 dəqiqə meydanda olub və 2 qol vurub. Bununla əlaqədar olaraq Vüqar klubun rəsmi saytına açıqlama verib: "Əvvəlcə "Sumqayıt" Futbol Klubunun rəhbərliyinə mənə inanıb dəvət etdikləri üçün minnətdarlığımı bildirirəm. Həqiqətən bu klub mənim üçün vətənimdə böyük təcrübə oldu. Burada olduğum müddətdə bir neçə dəfə A milli komandaya çağırıldım. "Sumqayıt"dan xoş hisslərlə ayrılıram, məşqçi heyətinə üzərimdəki əziyyətlərinə görə təşəkkür edirəm. Onlara Premyer Liqada uğurlar arzulayıram. Ailə vəziyyətim və bəzi səbəblərə görə transferə çıxarılmağımı istədim. Rəhbərliklə danışıb vəziyyəti onlara başa saldım. Yaxın günlərdə məsələ öz həllini tapacaq".