“Turan Tovuz” - “Sumqayıt” oyununun biletləri satışda

Azərbaycan Premyer Liqasının ikinci turu çərçivəsində keçirilən “Turan Tovuz” - “Sumqayıt” oyununun biletləri satışa çıxıb.

Futbolxeber.az saytının klubun mətbuat xidmətinə istinadən verdiyi məlumata görə, biletləri bu gündən etibarən stadionunun kassasından və şəhərin mərkəzində yerləşən satış məntəqəsindən əldə edə bilərsiniz.

Qeyd edək ki, 2 AZN-lik biletlərlə yanaşı, məhdud sayda olan 5 AZN-lik VİP biletlər də satışdadır.

11 avqustun Tovuz şəhər stadionunda keçiriləcək “Turan Tovuz” - “Sumqayıt” oyunu saat 18:45-də start götürəcək.

Tovuz klubu azarkeşləri komandaya dəstək olmağa dəvət edir. Oyundan sonra “Turan Tovuz”un rəsmi tərəfdaşı olan “İnci Group of Companies” tərəfindən lotereya təşkil olunacaq.