14 Oktyabr 2019, Bazar ertəsi
Araz: “Üzrə görə xal vermirlər”
Holland hakim millimizdən üzr istədi!
Marko Rossi: “Xoşbəxtlikdən qol sayılmadı”
Tokio-2020-yə daha iki lisenziya

Ölkə futbolu

Milevskini "Qaziantepspor"a aparan həmyerlimiz: "Azərbaycanda maksimum qazanc 600 mindir"

Azərbaycanlı FİFA meneceri, Artyom Milevskinin "Qaziantepspor" klubuna keçidində vasitəçilik edən Kamil Məmmədov ua.tribuna.com saytına müsahibə verib. Futbolxeber.az-ın məlumatına görə, K.Məmmədov ilk öncə Milevski ilə tanışlığından söz açıb: "Bizim ümumi dostumuz var. O, Bakıdan olsa da, uzun müddətidir Kiyevdə yaşayır. Bu yay Artyom və onun yaxın dostu Denis Adleyba Bakıya gəldilər. Biz elə orada da tanış olduq. Həmin vaxt Ukrayna qəzetləri yazırdılar ki, Milevski Azərbaycan klubları ilə danışıqlar aparmağa yollanıb. Hətta onun adını Syominin rəhbərlik etdiyi "Qəbələ" ilə də yanaşı hallandırırdılar. Amma aydın məsələdir ki, orada hər hansı danışıqlar olmamışdı. Bu, onun səviyyəsinə uyğun çempionat deyil. Həm sərgilənən futbol, həm də maddi baxımdan. Həmin vaxt onunla tanış olmaq və klubdakı vəziyyətini müzakirə etməmək qeyri-mümkün idi. Mən Azərbaycandan ilk lisenziya almış menecerəm. Eləcə də Kiyev "Dinamo"sunun sadiq azarkeşiyəm. "Dinamo"ya sevgimin hardan yarandığını özüm də bilmirəm. Altı yaşımdan, hələ "ağ-qara" televizorların vaxtından bu klubun azarkeşiyəm. Halbuki Ukrayna ilə heç bir bağlılığm yoxdur".

K.Məmmədov qeyd edib ki, Milevski ilə bağlı Türkiyədə təkcə "Qaziantepspor"la deyil, bir neçə komanda ilə danışıqlar aparıb: "İtaliyada "Sampdoriya", "Verona" və "Sassuolo" ilə danışıqlar apardıq. Lakin orada transfer pəncərəsi sentyabrın 2-də bağlandı. Bundan sonra ümidimiz Türkiyəyə idi. Çünki yalnız orada transfer pəncərəsi sentyabrın 6-da bağlanırdı. Türkiyədə Milevskiyə böyük maraq vardı. Ona inanır, "Şevçenkodan sonra ən istedadlı ikinci ukraynalı futbolçu" gözü ilə baxırdılar.  "Qaziantepspor"la yanaşı, "Trabzonspor", Roberto Karlosun çalışdırdığı "Sivasspor"la da danışıqlar aparırdıq".

Məmmədov Ukraynadan Azərbaycana gətirdiyi futbolçu və məşqçilərdən də söz açıb: "Hətta sizin federasiyanın indiki prezidenti - Konkovu da "İnter"ə mən gətirmişdim. 10 il əvvəl cavan və təcrübəsiz idim. Ukraynalı menecer İvan Maraçla əlaqə qurdum, o da mənə Konkovu məsləhət gördü. Ondan sonra "İnter"də qarışıqlıq yarandı ki, bu haqda xatırlamaq belə istəmirəm. Konkovdan sonra başqa ukraynalı gəldi, Valentin Xodukin. Hansı ki əla insandı və hələ də klubdakı fəaliyyətini davam etdirir. Onun gəlişi ilə "İnter" yüksəlişə keçdi. Daha sonra Valentin Belkeviçi gətirmək ideyası yarandı. Elxan Abdullayev Kiyevdə onunla birgə məşqçi kurslarında oxumuşdu. Onun vasitəsi ilə Belkeviçlə təmas qurdum. Həmin vaxt Belkeviç 8 ay yaşıl meydanlardan uzaq qalmışdı. Verpokovskiyə gəldikdə, ona müəyyən dərəcədə kömək etsəm də, Mariusu "Bakı"ya Aleksandr Starkovun özü gətirmişdi. Amma Starkov qəliz adamdı".

Sonda FİFA meneceri Azərbaycan futbolunda dövr edən pullardan da söz açıb: "Azərbaycanda futbolçu maksimum ildə 600 min avro qazanır. Təbii ki, bu, "Dinamo" və "Şaxtyor"la müqayisədə azdır. Amma yenə də 600 min yaxşı məbləğdir. Hazırda Azərbaycanda futbola dövlət səviyyəsində qayğı var. Bu təkcə klublara yox, həm də milli komandaya aiddir".

   




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Oktyabr 2019
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31