15 Sentyabr 2019, Bazar günü
"Zirə" və "Qəbələ"dən qələbə
“Limit futbolumuza mane olur”
Rafiq Hüseynov finalda!
Məhəmmədrəsul nokautla qalib gəldi

Ölkə futbolu

Arif Daşdəmirov: “Bizə xal toplamaq lazımdır”

“İnter”in müdafiəçisi Arif Daşdəmirov klubun saytına müsahibəsində “Rəvan”la keçirilən matç barədə danışdı, komandanın çıxışını qiymətləndirdi və digər suallara cavab verdi. Həmin müsahibəni təqdim edirik:

- Arif, “Rəvan”la oyun kifayət çətin alındı, baxmayaraq ki, komandamıza qələbə qazanmaq və xal ehtiyatını artırmaq mümkün oldu.

- Oyun çox ağır oldu. Bundan başqa, 5 ev oyununda qələbə qazana bilmirdik və qalib gəlməyi çox istəyirdik. Biz oyunu yaxşı keçirdik: erkən qollar vurduq, yenə qol vəziyyətlərimiz oldu, lakin səhvlərimizin ucbatından lazımsız qollar da buraxdıq. Buraxılmış qollarla bağlı epizodlarda biz daha diqqətli oynamalıydıq. Əsas odur ki, bizə qalib gəlmək müyəssər oldu. Komanda artıq özünə gəlib. İnşallah, növbəti matçlarda yaxşı nəticələr əldə edərik və  turnir cədvəlində yüksələrik. İlk üçlüyə düşmək istərdik, sonrasına baxarıq.

- Son matçlarda “İnter” kifayət qədər yaxşı təəssürat bağışlayır, start şokunu adlamaq komandaya müyəssər oldu. Sizin nəzərinizcə, buna başqa oyun taktikasına keçid səbəb oldu, yoxsa komanda sadəcə anladı ki, artıq geriləmək olmaz?

- Məşqçi qərara gəldi ki, belə taktikayla oynamaq lazımdır və bu sxem özünün nəticələrini verdi. Biz bir neçə matçı yaxşı keçirdik, deməli, bu qərar özünü doğrultdu. Başlıcası odur ki, bu ruhda davam etməliyik. Bizə xal toplamaq lazımdır.

- Ruslan Əmircanov meydançaya çıxdıqdan sonra siz sol cinaha keçdiniz. Deyə bilərsiniz, harada sizə oynamaq rahatdır: adət etdiyiniz sağ cinahda, yoxsa sol tərəfdə?

- Bu, mənim “İnter”də artıq 4-cü mövsümümdür və ötən müddət ərzində həm sağ, həm də sol cinahda oynamağa macal tapmışam. Bu iki cinahda oynamağa adət etmişəm və məşqçi sol cinahı həvalə edən zaman burada oynamaq mənə çətin olmur. Belə də, əlbəttə ki, özümü sağ cinahda daha rahat hiss edirəm. Lakin yenə təkrar edirəm ki, zərurət yarandıqda sol cinahda oynamaq mənə hər hansı bir problem yaratmır.

- “Rəvan”la oyunda bir neçə epizodda siz hətta rəqibin qapısına yol da tapa bilərdiniz, lakin bunu etmək sizə müyəssər olmadı. Deyə bilərsiniz, həmin anlarda qol vurmağa nə mane oldu?

- Səmimi desəm, bu suala cavab verməkdə çətinlik çəkirəm. Yəqin sadəcə bəxtsizlik belə anlarda qol vurmağa imkan vermədi, bir də hər şey o qədər dinamik cərəyan edirdi ki, daha dəqiq zərbələr endirməyə mane oldu. İndi növbəti matçlarda qol vurmağa çalışacağam.

- Bu qələbə sayəsində “İnter” “Qarabağ”, “Neftçi” və “Qəbələ”nin lider olduğu üçlüyə iddia edən komandalar qrupuna yaxınlaşdı. Sizin fikrinizcə, komandamız bu komandalara yetişə bilərmi?

- Əlbəttə ki, biz bunu edə bilərik. “İnter” həmişə mükafat yerlərinə iddia edən komandadır. Son matçlarda biz yaxşı oyun nümayiş etdiririk və düşünürəm ki, bizə bu ruhda davam etmək lazımdır. Komanda meydançada bütün potensialını nümayiş etdirməlidir. Bizə səhvlərdən qaçmaq lazımdır və yalnız bu halda turnir cədvəlində yuxarı yerlərə ümid edə bilərik. Yalnız bu halda biz irəliyə addımlaya bilərik.

- Növbəti tur komandamızı Zaqatalaya çətin səfər gözləyir. Birinci dövrədə “İnter” “Simurq”a məğlub oldu və çox güman komanda revanş almağa çalışacaq. Qarşıdakı oyun barədə nə deyə bilərsiniz?

- Bizi çox ciddi oyun gözləyir. “Simurq” ötən bütün matçlarını Bakıda və Qəbələdə keçirdi, bizimlə matçı isə  ilk dəfə azarkeşlərinin qarşısında keçirəcək və bu da bizim tapşırığımızı daha da çətinləşdirəcək. Ancaq biz revanş götürməyə və Zaqataladan yaxşı nəticəylə qayıtmağa çalışacağıq.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30