Toşak komandasını tənqid etdi

“Bu gün kişilər yeniyetmələrə qarşı oynadılar, hesabın ədalətli olduğunu düşünürəm". Futbolxeber.az-ın məlumatına görə, bu sözləri "Neftçi" ilə oyundan sonra "Xəzər Lənkəran"ın baş məşqçisi Con Toşak deyib. Uelsli mütəxəssis komandasının çıxışını sərt tənqid edib: "Qapımızdan ilk qolu buraxdıqdan sonra Zohair Benuahinin qol imkanı oldu, lakin qapıya zərbə endirmək əvəzinə nə üçün ötürmə verdiyini anlamıram. Qapıçı ilə təkbətək çıxırsa, özü qol vurmalıdır. Mənə “Neftçi”nin ilk qolu oyundan kənar vəziyyətdən vurduğunu dedilər. Bu cür nəticələrlə I Diviziona düşməsək yaxşıdır. Belə oynamağımızın səbəbini yeniyetmə futbolçularımızdan soruşmaq lazımdır. Komanda çox bərbad oynadı. Qapıçı ilə təkbətək epizodda qol vura bilmiriksə, nə deyim? Rasim Ramaldanov milli komanda üzvüdür, 11 metrlik cərimə zərbəsi epizodunda uşaq səhvi etdi. Milli komandanın oyunçusu gülməli vəziyyətdə qayda pozuntusuna yol verdi”.