Veton Berişa: “Bizdən daha yaxşı oynayan komandaya uduzduq”

“Mölde”nin hücumçusu Veton Berişa UEFA Avropa Liqasının qrup mərhələsinin ilk turunda “Qarabağ”a 0:1 hesabı ilə uduzduqları oyundan sonra Futbolxeber.az saytına müsahibə verib.

- “Qarabağ”a məğlubiyyəti necə şərh edərdiz?

- İlk olaraq onu deyə bilərəm ki, bizdən daha yaxşı oynayan komandaya uduzduq. Açıq demək lazımdı ki, “Qarabağ” həm müdafiədə, həm də hücumda bizdən daha yaxşı idi.

- Məğlubiyyətə əsas səbəb nə oldu?

- Biz mövqe səhvləri edirdik. Bir-birimizdən çox aralı oynayırdıq. "Qarabağ" isə çox aqressiv idi, buna görə də biz bir çox ötürmələrdə səhvlərə yol verdik. Əksər hallarda ardıcıl ikidən artıq ötürmə edə bilmirdik. Rəqib topu bizdən çox tez ala bilirdi. “Qarabağ” çox keyfiyyətli oyunçulara malikdir.

- Matçın gedişində belə təəssürat yaranırdı ki, Bakıya 1 xal üçün gəlmisiz. Həqiqətən belə idi?

- Əlbəttə, yox. Əsas məqsəd həmişə yaxşı futbol oynayıb qələbə qazanmaqdır. Düzdür, bu gün 1 xal qazana bilərdik. Təəssüf ki, oyunumuzdakı çatışmazlıqlar buna imkan vermədi. "Qarabağ" bizdən daha yaxşı idi.

- Bu məğlubiyyəti “Mölde” üçün gözlənilməz hesab etmək olar?

- Düşünürəm ki, bu suala həm “hə”, həm də “yox” cavabı verə bilərəm. Biz məğlub olduq, "Qarabağ" isə qələbə qazandı. Ümid edirəm ki, növbəti matçda evdə qələbə qazanacağıq.

- Bəs "Qarabağ"dan belə oyun gözləyirdiz?

- Bəli, rəqibin əvvəlki matçlarına baxmışdıq. Aqressiv oynadıqlarından məlumatlı idik. Biz onların bacardığımız qədər rəqibdən topu tez almalı idi. Amma bunu bacarmadıq.

- Növbəti turda qrupun favoriti “Bayer Leverkuzen”lə qarşılaşacaqsız...

- Hazırda Leverkusen təmsilçisi ilə oyun barədə düşünmürük. Çünki əmin görüşə hazırlaşmaq üçün 2 həftə vaxtımız var. Qarşıda bizi çempionat matçı gözləyir. Qısaca onu dfeyə bilərəm ki, "Bayer Leverkuzen"ə qarşı evdə oynayacağıq. Hər matça olduğu kimi, həmin görüşə də qələbə üçün çıxacağıq.

- Stadiondakı atmosfer barədə nə deyə bilərsiz?

- “Qarabağ”ın yaxşı azarkeşləri var. Onlar komandaya xeyli dəstək oldular. Hiss olunur ki, onlar üçün qələbə önəmlidir.

Azad NURİYEV