“Zirə”dən fərqli qərar

Azərbaycan Premyer Liqasının V turunda “Qəbələ”yə qarşı keçirilən oyundan sonra istirahətə buraxılan “Zirə” məşqləri bərpa edir.

Futbolxeber.az saytının məlumatına görə, Rəşad Sadıqovun komandası bu gündən etibarən VI turda “Sumqayıt”a qarşı keçirəcəyi matçın hazırlıqlarına start verəcək.

Əksər Premyer Liqa klublarından fərqli olaraq, “Zirə” milli komandaların oyunların görə yaranmış fasilə zamanı yoxlama oyunu keçirməyəcək. Paytax təmsilçisi yalnız gündəlik məşqlərlə kifayətlənəcək.

Xatırladaq ki, “Zirə” - “Sumqayıt” oyunu sentyabrın 15-də keçiriləcək. 5 turdan sonra “Zirə” 12 xalla çempionatın vahid lideridi. 1 oyun az keçirən “Sumqayıt” isə 7 xalla dördüncüdü.