"3 xal qoparmağa çalışacağıq"

"Bakı"nın baş məşqçisi Milinko Pantiç sabah Premyer Liqanın IX turu çərçivəsində "Qarabağ"a qarşı keçirəcəkləri oyun haqda danışıb. Futbolxeber.az-ın məlumatına görə, klubun rəsmi saytına danışan Pantiç meydanda güclərinin 100 deyil, 150 faizini ortaya qoymalı olduqlarını qeyd edib: "Biz  meydanda öz oyunumuzu göstərəcəyik. Qarşılaşmaya çox ciddi hazırlaşdığımızı deməliyəm. “Qarabağ” köklü komanda olmaqla xüsusi çəkiyə malikdi. Rəqib komandanın futbolçuları xeyli vaxtdı bir-birinə uyğunlaşıb. Bununla belə, biz məşqçilər, futbolçular, ümumilikdə, bir komanda olaraq “Qarabağ”dan 3 xal qoparmağa çalışacağıq. Onlar güclü olmaqla favoritdilər. Amma bu o demək deyil ki, rəqib qələbə qazanmalıdı.  Oyunda 100 yox, 150 faiz güclü çıxış edəcəyik ki, qalib gələk. Başqa qüvvələrdən yox, aparıcı futbolçulardan istifadə etməklə yaxşı oyun sərgiləmək istəyirik”.