Millimizdən Qazaxıstana 3 cavabsız qol

Milli komandamız bu gün UEFA Millətlər Liqasının 2022/23 mövsümündə son matçına çıxıb.

Futbolxeber.az saytının məlumatına görə, Canni De Byazinin komandası 6-cı turda Qazaxıstanı qəbul edib. İkinci hissədə ard-arda 3 qol vuran millimiz tsikli böyükhesablı qələbə ilə başa vurub. 

Bu nəticə ilə millimiz 10 xalla qrup ikincisi olub. 3 xal artıq toplayan Qazaxıstan yığması qrupu zirvədə başa vurub. 

Qeyd edək ki, qrupun digər oyununda - Slovakiya - Belarus matçında tərəflər hərəyə 1 dəfə fərqləniblər. 

Millətlər Liqası, 6-cı tur

C liqası, 3-cü qrup

25 sentyabr

Azərbaycan - Qazaxıstan 3:0

Qollar: Aleksandr Maroçkin, 67-avtoqol, Filip Ozobiç, 74, Anatoli Nuriyev, 90+1

Qırmızı vərəqə: Nuralı Alip, 35 (Qazaxıstan)

Baş hakim: Harm Osmers

Bakı. “Dalğa Arena”