“Qarabağ”ın oyununa ilk gündə 15 min bilet satıldı

Çempionlar Liqasının pley-off mərhələsində keçiriləcək “Qarabağ” - “Viktoriya” (Çexiya) matçına bilet satışı davam edir.

Futbolxeber.az saytının klubun feysbuk səhifəsinə istinadən verdiyi məlumata görə, bu gün satışa çıxarılan biletlərin 15 mini satılıb. 

Biletlərin qiyməti müvafiq olaraq 5, 15, 30, 50, 75 və 100 manat təşkil edir.

Qeyd edək ki, "Qarabağ" - "Viktoriya" matçı avqustun 17-də Tofiq Bəhramov adına Respublika Stadionunda  keçiriləcək.