Renat Dadaşovdan bu dəfə məhsuldar ötürmə

İsveçrə Superliqasında 4-cü turun oyunları keçirilir.

Futbolxeber.az saytının məlumatına görə, Azərbaycan millisinin hücumçusu Renat Dadaşovun çıxış etdiyi "Qrasshopper" evdə  "Sankt-Qallen"lə qarşılaşıb.

Renatın komandası qapısında 2 erkən qol görsə də, əzmkarlıq nümayiş etdirərək 3:2 hesabı ilə qalib gəlib. Dadaşov start heyətdə meydana çıxıb, 90-cı dəqiqədə əvəzlənib. O, 45+2 dəqiqədə komandasının 2-ci qolunun ötürməsini verib.

Qeyd edək ki, 1 oyun az keçirən "Qrasshopper" 7 xalla 3-cü pillədə qərarlaşıb.

Xatırladaq ki, Renat ötən tur yeni mövsümdə qol hesabını açmışdı.