1 Oktyabr 2022, Şənbə
"Səbail" "Qəbələ"yə məğlub oldu
UEFA "Neftçi"yəı ödəniş etdi
VIII turun hakim təyinatları
U-21 millimiz Moldova ilə heç-heçə etdi

Ölkə futbolu

Mahmud Qurbanov: "Çempiona qarşı heç də pis təsir bağışlamadıq"

"Səbail"in baş məşqçisi Mahmud Qurbanov Azərbaycan Premyer Liqasının 1-ci turunda "Qarabağ"a 1:3 hesabı ilə uduzduqları oyundan sonra mətbuat konfransı keçirib. Futbolxeber.az saytının məlumatına görə, o, əvvəlcə görüşlə bağlı fikirlərini açıqlayıb. 

- Çempiona qarşı heç də pis təsir bağışlamadıq. Düzdür, daha yaxşısına ümid edirdik. Qarşımızda "Qarabağ" var idi. amma pis oynamadıq. Aqressivlik var idi, hücum qurmaq istədik. Yaxşı qol epizdolarımız var idi ki, hesabı açaq. Amma bacardığımız qədər oynadıq. Qarşıdakı oyunlara baxacağıq. Uduzsaq da, komandanın göstərdiyi oyuna və aqressivliyinə görə razı qaldıq. Qarşıda çox oyun var. Nəticə qazanmaq istəyəcəyik. Həm də yaşxı oyun göstərmək istəyirik. Bir çox futbolçumuz yenidir. Bu gün üçün də heç pis deyildik. Düzdür, uduzduq, amma qarşımızda keçənilki çempion "Qarabağ" idi.

- Futbolçularınızın tez-tez bir-birilə söz atışması olurdu...

- Futbolçulara deyirik ki, bir-birinizlə danışın. Ola bilər ki, ondan irəli gəlir. Əslində, komandada mehribanlıq var. Sadəcə bir çox futbolçu yenidir, anlaşa bilmirlər, bir-birini başa düşmürlər. Müdafiəçilərimiz xaricidir. Dil baxımından da problemimiz var. Oyunda belə şeylər olur. Komanda şəklində yaxşıyıq.

- İstədiyiniz komandanın yaranması üçün nə qədər vaxt lazımdır?

- Oyunçular yenidir, hərəsi bir klubdan gəlib. Ötən mövsüm öz komandalarında hərəsi fərqli futbol oynayıb. Yaxşı nəticə istəyirik. Vaxt lazımdır. Tezliklə yoluna qoymaq istəyirik.

- Yeni transferlərdən istədiyinizi ala bilirsiniz?

- Pis deyildilər. Gözləntilərimiz çoxdur. Qarşıdakı oyunlara baxacağıq. Özlərini göstərəcəklər.

- "Qarabağ"a məğlubiyyət komandada növbəti matçlarda inamsızlıq yaratmayacaq?

- Yaxşı nəticə ilə başlamaq istəyirdik. Amma əfsuslar olsun ki, uduzduq. Ruhdan düşmək fikrimiz yoxdur. Yeni komandamız var. İstəyirik ki, bütün çempionat ərzində özümüzü göstərək.

- Adil Nağıyevin gedişi haqda fikriniz nədir?

- Adilin gedişindən sonra Vüqar Həsənov adlı mərkəz müdafiəçimiz var. Oyunçular axtarırıq. Nağıyev problemi həll olunub, "Şamaxı"ya keçib. Ona uğurlar arzulayırıq. Oyun baxımından onunla ayrıldıq. Daha çox oynamaq istəyirdi. Əfsuslar olsun ki, bu, mümkün deyil. Hamı istəyir əsas heyətdə oynasın. Amma bu, hər  dəfə olmur.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Oktyabr 2022
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31