17 Avqust 2022, Çərşənbə
Millimiz İslamiadada üçüncü oldu
“Lenovo” “Neftçi”nin tərəfdaşı oldu
"Kəpəz"də nigeriyalı yarımmüdafiəçi
IV turun oyun cədvəli açıqlandı

Ölkə futbolu

Boqomolski: “Rapid”lə oyunda stadionda çox azarkeş görmək istərdik”

Yeni transfer Yeqor Boqomolski “Neftçi TV”yə müsahibə verib. 

Futbolxeber.az saytının məlumatına görə, belaruslu forvard keçidinin qısa zaman ərzində həll olunduğunu bildirib: “Təbii ki, “Neftçi” kimi tanınmış klub tərəfindən mənə maraq göstərilməsinə sevindim. Təklif gələndə hər şey çox tez oldu. Sözün həqiqi mənasında, 2-3 günə bütün məsələlər həll olundu. Bilirdim ki, bu keçiddə həm klub rəhbərliyi, həm də məşqçilər korpusu maraqlıdır. Ona görə də çox düşünmədən “Neftçi”yə keçməyə razılıq verdim”.

Boqomolski bu keçidlə karyerasında irəliyə addım atdığını düşünür: “Hesab edirəm ki, Azərbaycan çempionatı ildən-ilə daha da yaxşılaşır. Üstəlik, komandamız Konfrans Liqasının seçmə mərhələsindədir. Artıq ikinci mərhələni geridə qoymuşuq. Təbii ki, bu, avrokuboklarda oynamaq imkanıdır. Buna görə də geri addım deyil, irəliyə doğru addımdır. Bəli, “Neftçi”yə keçəndə baş məşqçi ilə danışa bildim. O, məndən nə istədiyini dedi. Buna görə də indi yavaş-yavaş komandaya qoşuluram və onun məndə görmək istədiyini istifadə etməyə çalışıram. Yavaş-yavaş iqlimə, komandaya uyğunlaşıram. Mənim buraya mümkün qədər tez uyğunlaşmağım üçün kömək etdiklərinə görə futbolçulara, məşqçilər korpusuna və bütün inzibati heyətə təşəkkür edirəm”. 

O, yeni komandasının səviyyəsinin yüksək olduğunu vurğulayıb: “Hücumçu olduğuma görə mənim üçün ən vacib olan, təbii ki, həm çempionatda, həm də avrokuboklarda qollar vurub komandaya faydalı olmaq və qələbə qazandırmaqdır. İlk məşqdən komandanın səviyyəsinin kifayət qədər ciddi olduğunu gördüm. Bütün uşaqlar çox mehribandırlar. Hər kəslə söhbət etmək üçün ümumi mövzu tapmaq mümkündür. Bir neçə ay əvvəl Azərbaycan millisinə qarşı oynayanda bəzi futbolçularla yollarım kəsişmişdi. Buranı çox bəyəndim, düşünürəm ki, komanda çox ciddi toplanıb. Bəli, əlbəttə, Qodsveyi tanıyıram. Yaxşı hücumçudur, kifayət qədər texnikalıdır. Amma təbii ki, onunla rəqabət aparmaqdan qətiyyən qorxmuram. Çünki rəqabət həmişə inkişafa səbəb olur. Buna görə də start heyətində yer qazanmaq üçün özünü daha çox göstərmək istəyirsən”. 

Forvard “Rapid”lə qarşılaşmadan da söz açıb: “Cümə axşamı “Rapid”lə oynayırıq. Təbii ki, stadionda mümkün qədər çox azarkeş görmək istərdik. Onların dəstəyinə çox ehtiyacımız var. Ümid edirəm ki, son oyunla müqayisədə daha çox azarkeş gələcək. Biz isə ən yaxşı oyunumuzu göstərib mərhələni keçməyə çalışacağıq”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2022
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31