"Neftçi"nin baş məşqçisi müəyyənləşdi

"Neftçi"nin yeni baş məşqçisi müəyyənləşib.

Futbolxeber.az saytının məlumatına görə, komandanı bundan sonra rumıniyalı Laurensiu Regekampf çalışdıracaq. 46 yaşlı mütəxəssisin təqdimatı klub televiziyası vasitəsilə olub. 

Regekampf “Neftçi” ilə 2 illik müqaviləyə imza atacaq. Sabah rumın mütəxəssisin təqdimat mərasimi keçiriləcək. 

Qeyd edək ki, Laurentsiu Regekamfın ölkəsində “Snaqov”, “Qloriya” (Bıstritsa), “Konkordiya”, “Styaua” kimi komandalara rəhbərlik edib. Rumıniyalı mütəxəssis Bolqarıstanın “Liteks”, Səudiyyə Ərəbistanının “Əl-Hilal” və “Əl-Əhli”, Birləşmiş Ərəb Əmirliklərinin “Əl-Vahda” və “Əl-Vasl” klublarında da baş məşqçilik edib. Onun sonuncu iş yeri “Universitatya” (Krayova) olub.