17 Avqust 2022, Çərşənbə
Millimiz İslamiadada üçüncü oldu
“Lenovo” “Neftçi”nin tərəfdaşı oldu
"Kəpəz"də nigeriyalı yarımmüdafiəçi
IV turun oyun cədvəli açıqlandı

Ölkə futbolu

Gənclər millimiz tarixi rekordun astanasında

MİLAN OBRADOVİÇ ƏSGƏR ABDULLAYEV VƏ YAŞAR VAHABZADƏNİN REKORDUNU YENİLƏYƏ BİLƏR

21 yaşadək futbolçulardan ibarət milli komandamız Avropa çempionatının seçmə mərhələsində növbəti qələbəsini qazanıb. 

Futbolxeber.az saytının məlumatına görə, səfərdə Estoniya ilə üz-üzə gələn gənclər yığmamız 5:0 hesablı qələbə qazanmaqla qrupdakı xallarının sayını 7-yə çatdırıb.

Bu qələbə ilə Milan Obradoviçin komandası tarixi rekordun astanasındadır. Belə ki, buna qədər U-21 yığmamız seçmə mərhələdə ən çox 9 xal yığıb. 

İlk dəfə bu nəticəyə U-21 Avro-2002-nin seçmə mərhələsində imza atıb. Həmin vaxt Əsgər Abdullayevin çalışdırdığı gənclərimiz 4-cü qrupu 9 xalla başa vurublar. Həmin vaxt yığmamız Makedoniyaya səfərdə 2:1, evdə 1:0 hesabı ilə qalib gəlib. Eləcə də Moldova və Slovakiya ilə evdə, İsveçlə isə səfərdə qolsuz bərabərliyə nail olub. 

Bu nəticəni U-21 növbəti dəfə 15 il sonra təkrarlayıb. Avro-2017-nin seçmə mərhələsində gənclər yığmamız bu dəfə Yaşar Vahabzadənin rəhbərliyi altında tsikli 9 xalla tamamlayıb. Həmin vaxt millimiz Rusiyaya 3:0, Farer adalarına 1:0 qalib gəlib, eləcə də Rusiya ilə 2:2-lik, Farer adaları ilə 1:1-lik, Finlandiya ilə isə 0:0-lıq bərabərliyə nail olub. 

Hazırda isə Obradoviçin komandası 8 oyuna 7 xal toplayıb. Bu isə o deməkdir ki, U-21 qarşıdakı 2 görüşdə 3 xal toplaya bilsə, tarixi ərzindəki ən yaxşı nəticəsinə imza atacaq. 

Gənclər millimiz iyunun 7-də səfərdə Finlandiya ilə, 14-də isə Norveçlə üz-üzə gələcək. Maraqlıdır ki, 5 il əvvəl Yaşar Vahabzadənin rəhbərliyi altında U-21 seçmə mərhələnin son turunda Finlandiya ilə qarşılaşırdı. Həmin vaxt 9 turdan sonra yığmamızın aktivində 8 xal var idi. U-21-in tarixi ərzində ən yaxşı nəticəyə nail olmaq üçün Vahabzadənin komandası səfərdə finləri üstələməliydi. Lakin görüş 0:0 hesabı ilə yekunlaşdığından, rekord yenilənməmişdi, əvvəlki nəticə təkrarlanmışdı. Görəsən, Obradoviç Abdullayev və Vahabzadənin nəticəsini daha da yaxşılaşdıra biləcəkmi?

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2022
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31