29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Rəşad Sadıqov: "Nəticənin belə olacağını təsəvvür edə bilmirdim"

"Oyunun mahiyyəti çox böyükdür. Matça maksimum yaxşı hazırlaşmışdıq. Əslində nəticə bir az qəribə oldu. Oyunun gedişatı ilə nəticənin belə olacağını təsəvvür edə bilmirdim. İlk hissəni çox yaxşı keçirdik. Düzü oyuna tam fərqli başlayacağımızı gözləyirdim. "Qəbələ"nin oyuna daha çox nəzarət edəcəyini, hücumlar təşkil edəcəyini düşünürdüm. Amma əksinə oldu. Futbolçularım oyuna yaxşı başladılar, meydanda çox böyük üstünlüyümüz var idi".

Futbolxeber.az saytının məlumatına görə, bu sözləri "Zirə"nin baş məşqçisi Rəşad Sadıqov Azərbaycan Premyer Liqasının 25-ci turunda "Qəbələ"yə 0:3 hesabı ilə uduzduqları matçdan sonra keçirilən mətbuat konfransında deyib.

O, əks hücumda buraxdıqları iki qoldan sonra oyunun gedişatını itirdiklərini bildirib: "Bir az futbolçularda inamsızlıq yarandı. Bəzən meydanda hər şeyi düz etməyinə baxmayaraq, hesabda geridə olmağın futbolçulara psixoloji cəhətdən mənfi təsir edir. Düşünürəm ki, “Qəbələ” layiqli qələbə qazandı. Bu oyunun nəticəsindən sonra avrokuboklara vəsiqə verən iki yer uğrunda 3 komanda arasında amansız, qırğın mübarizə gedəcək. Oyundan narazı qala bilmərəm. “Qəbələ” kimi rəqibə qarşı ilk yarıda dominant idik. Sadəcə, müəyyən bəsit mübarizələrdə uduzduq. 1:2 hesabı ilə uduzduğumuz matçın ssenarisinə bənzəyirdi. "Qəbələ"ni təbrik edirəm. Çox vacib və layiqli qələbə qazandılar. Bu nəticədən sonra "Sabah", "Qəbələ" və "Zirə" avrokuboklara mübarizə uğrunda son tura qədər mübarizə aparacaqlar. Qarşıda üç oyunumuz var. Bu matçlara köklənəcəyik". 

R.Sadıqiv "Neftçi" ilə oyundakı yorğunluğun bu gün nə dərəcədə komandaya təsir etdiyi ilə bağlı sualı belə cavablandırıb: "Futbolçular təcrübəlidir. Bu gün hansı hesabla məğlub olsaydıq da, nəticədə 3 xal itirəcəkdik. "Qəbələ" birbaşa rəqibimizdir. Bərabərlik bizim üçün yaxşı nəticə olardı. Amma futbolda hər şey sən istədiyin kimi olmur. O ki, qaldı "Neftçi" ilə oyunun yorğunluğuna, fiziki cəhətdən biz bəlkə də rəqibdən daha yaxşı, dinamik, hərəkətli idik. Üstün oynayıb belə qollar buraxanda istər-istəməz komandaya psixoloji zərbə olur. 2:0 elə hesabdır ki, daha böyük qüvvə ilə hücuma getməlisən. Bəzi dəyişikliklər etdik, demək olar ki, müdafiəni unutduq. Risklər etdik, o da öz bəhrəsini vermədi. Əgər həqiqətən də Konfrans Liqasına getmək istəyiriksə, növbəti oyunlarda özümüzü yaxşı tərəfdən göstərməliyik". 

"Zirə"nin baş məşqçisi Premyer Liqanın 26-cı turunda qarşılaşaqları "Qarabağ"la oyun haqda da danışıb: “Qarabağ”la niyə 4 gün sonra oynayırıq, bilmirəm. Mövsümün sonlarıdır, təqvimdə boş günlər tapmaq olar. Amma yenə də matça maksimum hazırlaşmağa çalışacağıq". 

O, "Qarabağ"a çempionluq dəhlizi qurub-qurmayacaqları ilə bağlı bunları söyləyib: "İstəyir "Qarabağ" olsun, istəyir digər komandamız olsun, əgər elə bir ənənəmiz varsa, bizim üçün problem yoxdur. Düzü, bu haqda düşünməmişəm. Amma əgər belə bir ənənə varsa, prinsipial rəqibim olsa da, dəhlizi qurmağa qarşı deyiləm. Olsun".

R.Saqıdov Qarabağ"ın "qızıl dubl"una mane olub-olmayacaqları ilə əlaqədar suala cavab olaraq deyib: "Bizim kiməsə mane olmaq məqsədimiz yoxdur. Qarşıda hələ üç çempionat oyunu var, əvvəlcə bunları düşünürük. Meydana kiməsə mane olmaq üçün çıxmayacağıq. Hər bir komanda mövsümü titulla başa vurmaq istəyir. Amma ondan əvvəl çempinatda mübarizəmiz var".

"Zirə"nin çalışdırıcısı Azərbaycan kubokunun finalının Qəbələdə olmasının onlar üçün hər hansı təsiri olmadığını bildirib: "Xeyr, mənim üçün elə də fərqi yoxdur. Sadəcə olaraq son illərdə finalın bölgələrdə keçirilməsi ənənə halını alıb. Düşünürəm ki, Qəbələdə oynamaq daha maraqlı olar. Təbii ki, rahatlıq üçün hamı Bakıda olmağını istəyərdi. Yol qət etmək var, iqlim fərqlidir. Ola bilər ki, oyuna təsiri olsun. Amma əvvəllər də bu praktika olub. Qəbələdə, Naxçıvanda finallar keçirilib. Hələ ki, o haqda düşünməyin nə həvəsində, nə də marağındayam".




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31