Xayme Romero: “Bunun arxasında 7 aylıq zəhmət və əziyyət dayanıb”

“Qarabağ”ın futbolçusu Xayme Romero instaqram hesabında yeni paylaşım edib.

Futbolxeber.az saytının məlumatına görə, zədə səbəbindən uzun müddət yaşıl meydanlardan kənardan qalan ispan futbolçu yenidən qayıdışı ilə bağlı sosial şəbəkədə bunları yazıb: 

“Bu fotonun arxasında 7 aylıq zəhmət və əziyyət dayanıb. Bunu yenə etdim, yenə qayıtdım”.

Qeyd edək ki, Xayme ötən ilin sentyabrında, Konfrans Liqasının 1-ci turunun “Bazel”lə görüşdə zədələnmişdi. O, Azərbaycan kubokunun yarımfinalında aprelin 29-u keçirilən "Qəbələ" ilə cavab görüşündə (5:0) 2-ci hissədə oyuna daxil olaraq yenidən yaşıl meydanlara qayıtmışdı.