28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Anatoli Nuriyev: “Heç vaxt topu Ronaldu kimi bir küncə vurmuram”

Ukraynanın "Minay"ının əslən azərbaycanlı hücumçusu Anatoli Nuriyev football24.ua saytına müsahibə verib.

Futbolxeber.az-ın məlumatına görə, müsahibə zamanı Nuriyev penaltiləri düzgün yerinə yetirməsi haqda danışıb: "Aşağı liqalarda heç vaxt penaltini boşa verməmişəm. Ardıcıl 14 zərbəmin hamısı dəqiq olub. Bunun xüsusi bir sirri yoxdur. Bəzən topu qapıçıya tərəf vururam, bəzən də küncləri nişan alıram. Topa yaxınlaşırsan və qərar verirsən. Bu, psixologiyadır. Bu mövsüm Premyer Liqada 2 penaltidən yararlana bilməmişəm. Bundan sonra eyni əminlik olmadı".

24 yaşlı hücumçu 11 metrlik cərimə zərbələrini "Yuventus"un futbolçusu Kriştiano Ronaldo kimi yerinə yetirmədiyini də söyləyib: "Yəqin, mənim əsas hiyləm budur. Heç vaxt topu Ronaldu kimi bir küncə vurmuram. O, tez-tez sol küncü nişan alır, bəzən isə sağı seçir. Mən isə mərkəz, sağ və sol küncləri hədəf alıram".

O, Azərbaycanla bağlılığı haqda verilən sualı da cavablandıb. "Ulu babam Azərbaycanda anadan olub. Əvvəlcə Kiyevə, sonra isə buraya - Zakarpatyeyə gəliblər. Babam və atam isə burada dünyaya gəliblər".

Qeyd edək ki, Anatoli Nuriyevlə Rüstəm Əhmədzadənin Azərbaycan millisinə cəlb olunması istiqamətində sənədləşmə işləri davam edir.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31