7 Mart 2021, Bazar günü
"Moldovadan 3 xalla dönməliyik"
"Neftçi" Honda ilə razılığa gəldi
Mübariz Mənsimov azadlıqda!
Azad Rəhimov Azərbaycana qayıdır

Ölkə futbolu

"Elə baş məşqçilər var ki, hər oyun qovulmalıdır"

"Son dəqiqəqələrdə qol buraxmaq adamı həqiqətən məyus edir. Belə şeylər futbolda olur. Bu matçı çox fikirləşmək bizə gələcək qarşılaşmalar üçün mənfi təsir göstərəcək".

Futbolxeber.az saytının məlumatına görə, bu fikirləri "Report"a açıqlamasında "Qəbələ"nin qapıçısı Anar Nəzirov Premyer Liqanın XVI turunda "Neftçi"yə 0:1 hesabı ilə uduzduqları görüş barədə danışarkən deyib.

36 yaşlı qolkiper paytaxt təmsilçisi ilə görüşü unutmağa çalışdıqlarını bildirib. Son dəqiqələrdə qol buraxan təcrübəli oyunçu həmin anı belə xatırlayıb: "Zərbə qarşısıalınmaz olduğu üçün qolla nəticələndi. Gözlənilməz və oyunçuların arasından vurulan zərbə idi. Yaxşı da yerə getdi".

Kapitan baş məşqçi Elmar Baxşıyevin texniki zonadan kənarlaşdırılması və mətbuat konfransında hakimlər haqqında işlətdiyi fikirlər barədə də danışıb: "İnsan səhvsiz olmur. Baş məşqçimiz deyirsə, elədir. Hakimin də bəzi epizodlarda səhvləri var idi. Bir az dəqiq və qorxmadan qərar verə bilərdi. 10-15 sm irəli çıxmağa görə baş məşqçi qovulursa, elə mütəxəssislər var ki, hər tur texniki zonadan qovulmalıdır".

Nəzirov "Azərbaycan Premyer Liqasında və kubokunda hakim səhvləri həqiqətən çoxalıbmı" sualına belə cavab verib: "Buna cavab verə bilmərəm. Hakimlərə AFFA Hakimlər Komitəsinin sədri Frits Ştuxlik baxır və qərarlar verir. Mənim deməyimlə nəsə düzəlmir. Amma görünən odur ki, problemlər var".

Qapıçı XVII turda "Sumqayıt"la matçın vacib olduğunu sözlərinə əlavə edib: "Bizim üçün hər duel vacibdir. Rəqibdən asılı olmayaraq, bütün görüşlərə nəticə qazanmaq üçün çıxırıq. Hər matça eyni gözlə baxırıq. Çalışırıq ki, baş məşqçinin dediklərini maksimum yerinə yetirək. Biz gözəgələn futbol oynamağa çalışırıq. Qorxmuruq, çəkinmirik. Bacardığımız qədər hücum futboluna üstünlük veririk. "Sumqayıt"a qarşı da əlimizdən gəldiyi qədər yaxşı mübarizə aparacağıq".




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2021
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31