7 Mart 2021, Bazar günü
"Moldovadan 3 xalla dönməliyik"
"Neftçi" Honda ilə razılığa gəldi
Mübariz Mənsimov azadlıqda!
Azad Rəhimov Azərbaycana qayıdır

Ölkə futbolu

“Azərbaycan dilinə hörmətsizlikdən söhbət gedə bilməz”

“QARABAĞ” OLARAQ SÖZ VERİRİK Kİ, BU SƏHV ARADAN QALDIRILACAQ VƏ BİR DAHA TƏKRARLANMAYACAQ”

“Qarabağ” Uroş Matiçin formasındakı səhvə görə klub tərəfindən Azərbaycan Premyer Liqasının əsasnaməsinin pozulmasına münasibət bildirib.

Ağdam klubunun mətbuat xidmətinin rəhbəri Gündüz Abbaszadə Futbolxeber.az saytına açıqlamasında bunu texniki səhv adlandırıb.

O bildirib ki, klub tərəfindən Azərbaycan dilinə hörmətsizlikdən söhbət gedə bilməz: “İlk növbədə bu məsələni qabardan hər kəsə təşəkkürümüzü bildiririk. Bu, texniki səhvdir. Təbii ki, insan olduğu yerdə səhvsiz iş olmur. “Qarabağ” klubu adından Azərbaycan dilinə hörmətsizlikdən söhbət gedə bilməz. Digər futbolçulara nəzər yetirildikdə onların formalarında adlarının Azərbaycan dilinin tələblərinə və qaydalarına uyğun yazıldığı görünür”.

“Qarabağ” hətta UEFA-da adının düzgün yazılmasına nail olan klubdu” deyən Abbaszadə vurğulayıb ki, hətta əcnəbi futbolçuların adları belə dilimizə uyğun yazılır: “Xaymenin adının ilk hərfi ispancada J olsa da, Premyer Liqanın əsasnaməsinə görə onun adının ispan dilində yazılması üçün maneə olmasa belə, biz yenə də Azərbaycan dilinə hörmət əlaməti olaraq əcnəbi futbolçularımızın adlarını da doğma dilimizdə səsləndiyi kimi yazırıq. Xaymedən başqa, istər Zubir olsun, istər Ozobiç və ya bir başqası. Bir daha qeyd edirəm ki, Matiçin məsələsi sırf texniki səhvdi. Klub olaraq söz veririk ki, bu səhv aradan qaldırılacaq və bir daha təkrarlanmayacaq”.

Xatırladaq ki, Azərbaycan Premyer Liqasının əsasnaməsinə görə, futbolçuların adları doğma dilimizdə yazılmalıdır. Əks halda, başqa əlifbadan istifadə edən klublar cəzalanmalıdır. “Qarabağ”ın üzvü Uroş Matiçin formasında isə son hərf Azərbaycan dilində yazılmır.

 

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2021
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31