“Qəbələ”dən alqışlanası addım

"Qəbələ” Azərbaycan kubokunun 1/4 final mərhələsinin cavab oyunu çərçivəsində “Qarabağ”a qarşı keçirilən qarşılaşmadan öncə alqışlanası jestlə addımla qalıb.

Futbolxeber.az saytının məlumatına görə, göüşdən öncə Vətən müharibəsində iştirak etmiş qazilərə və şəhid övladlarına hədiyyələr təqdim olunub.

Hədiyyələri “Qəbələ”nin Vətən müharibəsində iştirak etmiş prezidenti Fariz Nəcəfov verib. Nəcəfovun hədiyyə təqdim etdikləri arasında görüşün şərhçisi, CBC Sportun əməkdaşı, Vətən müharibəsinin iştirakçısı Süleyman Vəliyev də olub.

Bundan əlavə, əyalət təmsilçisinin hər bir futbolçusu meydana şəhidlərin adları yazılmış forma ilə çıxıb. Sonda komandalar həmin qazilərlə və şəhid övladlarıyla birgə xatirə şəkli çəkdiriblər.