6 Mart 2021, Şənbə
Mübariz Mənsimov azadlıqda!
Azad Rəhimov Azərbaycana qayıdır
Joze Alesiodan qələbə şərhi
Millimiz Moldovaya qalib gəldi

Ölkə futbolu

Yaşar Vahabzadə: “Məqsəd olmasa, heç nəyə nail olmaq olmaz”

"Baxmayaraq ki, Kubokdakı rəqibimiz turnir cədvəlində axırıncı yerdədi, güclü komandadı. Heyətində yaxşı, təcrübəli futbolçular, milli üzvləri, səviyyəli legionerlər var. İstənilən halda, biz də hazırlaşmışıq və Bakıya gələrək koronavirus testi də verdik".

Futbolxeber.az saytının məlumatına görə, bu fikirləri sport24.az-a açıqlamasında "Kəpəz"in baş məşqçisi Yaşar Vahabzadə bildirib.

Azərbaycan Kubokunun 1/8 final mərhələsində bu gün saat 17:00-da "Sabah"ın qonağı olacaq gəncəlilər gücünü Premyer Liqa təmsilçisinə göstərməlidi. Vahabzadə I Divizionda rəqiblərindən olan "Zaqatala"nın bu mərhələdə "Səbail"ə çətin anlar yaşatmasına toxunub: "Gördüyünüz kimi, həmin matçda hər şey - sürpriz ola bilərdi. Çalışacağıq ki, istədiyimiz oyunu oynayaq. Əlbəttə, hər bir komandanın oyuna çıxanda məqsədi olur. Kubokda da bu, mərhələ adlamaqdı. Rəqib nə qədər güclü olsa da, hər bir komandanın həmişə qarşısında məqsədi olmalıdı ki, nəyəsə nail olsun. Məqsəd olmasa, heç nəyə nail olmaq olmaz".

Görəsən, "Zaqatala"nın sensasiyaya yaxın olması "Kəpəz"i nə qədər cəsarətləndirib? Ümumiyyətlə, Vahabzadə Premyer Liqa təmsilçisini keçmələrini nə dərəcədə real sayır? "I Divizionla Premyer Liqa arasında böyük fərq var. Bu, istər-istəməz belədi. Bilirsiniz, rəqibdən çəkinmək lazım deyil. Əsas budu. Rəqibdən çəkinsən ki, yox, o məndən çox güclüdü, onda bir az çətin olacaq. Çəkinməyəndə, futboldu, hər şey ola bilər. Bəli, "Səbail" uddu, çünki ustalığı vardı, heyətdə dəyişikliklər etdi, bir neçə əsas heyət üzvü ikinci hissədə meydana çıxdı. Nəticədə oyunun bütün ab-havası dəyişdi. İstənilən halda, çalışmaq, sonadək oynamaq, nizamlı-intizamlı oynamaq lazımdı. Onda nəsə əldə eləmək olar. Əlbəttə, bu amil də var ki, Premyer Liqa təmsilçiləri Kubokda heyətdə rotasiyalar edir və bu da rəqibinə şans yaradır. Gördük ki, "Səbail"də nə qədər oynamayan futbolçular çıxış etdi. Onlar əsas komandayla məşq edən oyunçulardı. Sadəcə, çempionat matçlarında az meydanda olurlar".

Təcrübəli mütəxəssis gənc futbolçularına idmançı aqressivliklərini göstərmələri üçün cəsarətli oynamağı tövsiyə edir: "Futbolçunun xarakteri olmalıdı. Bunu çempionat matçlarında da yetirmələrimə demişəm. Futbolçu bir oyunçu kimi öz xüsusiyyətlərini meydançada göstərməlidi. Baxmayaraq ki, qarşındakı rəqib səndən güclüdü. O, ustalıq səviyyəsinə, texniki cəhətlərə görə səndən üstün ola bilər. Ancaq əzmkarlıq, istək olsa, nəyəsə nail olmaq mümkündü. Çalışacağıq ki, komandamızda bu keyfiyyətlər olsun. Qalan şeyləri oyunun gedişatı göstərəcək."

Vahabzadə heyətlə bağlı son durumu da açıqlayaraq itkilərinin olmalarını vurğulayıb: "Komandaya yeni götürdüyümüz Hikmət Verdiyevin dizində bir az problem var. O, bu matçda iştirak etməyəcək. Bir də Nihad Fərəclinin körpücük sümüyü qırılıb. Bu iki nəfərdən başqa bütün futbolçularımız şükürlər olsun ki, hazırdı. Bizdə qış hazırlığı yenə davam edir, çünki çempionatımız fevralın 10-da başlayır. Düzdür, keçirdiyimiz iki yoxlama matçında müəyyən çatışmazlıqlarımız vardı. Ancaq müəyyən məqamlar - o vaxtadək keçdiyimiz məşqlər, futbolçuların fiziki durumları bizi qane elədi".

Xatırladaq ki, 4 dəfə Azərbaycan Kubokunun qalibi olan "Kəpəz" qış fasiləsində yoxlama matçlarında Bakda "Neftçi"yə 0:1 uduzub, Tovuzda "Turan Tovuz"u 2:0 hesabıyla məğlub edib.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2021
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31