"Neftçi", "Zirə" və “Qarabağ" ilə qələbə ilə başladı

Azərbaycan Premyer Liqasında qış fasiləsi başa çatıb.

Futbolxeber.az saytının məlumatına görə, ilk oyun günündə üç qarşılaşma keçirilib. Lider “Neftçi” “Səbail”in qonağı olub və 3:1 hesabı ilə qalib gəlib.

"Zirə” isə evdə “Qəbələ” ilə üz-üzə gəlib və rəqibini 2:0 hesabı ilə məğlub edib.

Günün son oyununda  “Qarabağ” səfərdə “Sabah”la qarşılaşıb və 2:1 hesablı qələbə qazanıb.

Qeyd edək ki, tura sabah keçiriləcək “Keşlə” - “Sumqayıt” matçı ilə yekun vurulacaq.

Azərbaycan Premyer Liqası

XIV tur

21 yanvar

“Sabah” - “Qarabağ” 1:2

Qollar: Rahil Məmmədov, 8 (0:1), Kevin Kumemba, 60 (1:1), Mahir Emreli, 73 (1:2)

Hakimlər: Vüqar Həsənli, Pərvin Talıbov, Cəmil Quliyev, Namiq Bəkirov

“Bank Respublika Arena”

“Zirə” - “Qəbələ” 2:0

Qollar: Musa Qurbanlı, 45, Davit Volkov, 90+3

Hakimlər: Orxan Məmmədov, Qəzənfər Məmmədov, Nahid Əliyev, Səbuhi Bayramov

Zirə İdman Kompleksinin stadionu

“Səbail” - “Neftçi” 1:3

Qollar: Əfran İsmayılov, 28-pen (1:0), Sabir Buqrin, 45 (1:1), Emin Mahmudov, 51 (1:2), Sabir Buqrin, 90 (1:3)

Hakimlər: Kamal Umudlu, Cavanşir Yusifov, Müslüm Əliyev, İnqilab Məmmədov

“ASCO Arena”

22 yanvar

16:00. “Keşlə” - “Sumqayıt”

“ASK Arena”