27 Fevral 2021, Şənbə
“Qarabağ” zirvəyə şərik oldu
"Neftçi"nin Ronaldosu yoxdu"
“Layiqli qələbə qazandıq"
XVII turun hakim təyinatları

Ölkə futbolu

Kramarenko: “Bu, çox şərəflidir”

"Təbriklərinizə və göstərdiyiniz diqqətə görə çox sağ olun. Hər şeydən əvvəl məni qapıçı məşqçisi vəzifəsinə dəvət etmək qərarına görə klub rəhbərliyinə, baş məşqçi Viktor Qançarenkoya, eləcə də İqor Akinfeyevə təşəkkür edirəm. ÇSKA-nın böyük ənənələrə sahib bir klub olduğu və hər zaman ən yüksək yerlər uğrunda mübarizə apardığı nəzərə alınaraq bu, çox şərəflidir".

Futbolxeber.az-ın məlumatına görə, bu sözləri Azərbaycan millisinin qapıçılar üzrə məşqçisi Dmitri Kramarenko ÇSKA-ya (Rusiya) təyinatı ilə bağlı klubun saytına müsahibəsində deyib.

O, ilk məşqin yaxşı keçdiyini bildirib: "Rusiyanın ən yaxşı qapıçısı hesab etdiyim İqorla yanaşı, yetirmələrimiz Slava və Dankanın olması sevindirici haldır.  Təlim ayı ərzində hərtərəfli, səmərəli və maraqlı bir iş görəcəyik".

48 yaşlı mütəxəssis ÇSKA-nın təklifini nə qədər tez qəbul etdiyi ilə bağlı sualı belə cavablandırıb: "Həqiqətən də gözlənilməz təklif idi. Üç ildir ki, Azərbaycan yığmasında çalışıram, qərar Yeni il ərəfəsində verildi. Rəhbərliklə söhbət etdik, görüşdə Roman Babaev, Viktor Qonçarenko və Vasili Berezutski iştirak etdi. Danışığımız uzun çəkmədi, hamısı futbol adamıdır. Hər iki işi eyni anda görə biləcəyim qənaətinə gəldik. Sonra AFFA rəhbərliyi ilə əlaqə saxladım, orada da mənimlə görüşdülər. Nəticədə hamımız bunu sınayacağımıza dair ortaq qərara gəldik”.

Kramarenko işinin metodologiya baxımından necə qurulacağı ilə bağlı deyib:  "Düşünürəm ki, heç bir çətinlik olmayacaq. İgor Akinfeyevlə bir-birimizə hörmətimiz var, onu hələ gənc vaxtlarından xatırlayıram, 16-17 yaşındaydı və o zaman təcrübəli qapıçı rolunda idim. Bir daha təkrar edirəm ki, o, Rusiyada 1 nömrəli qapıçıdır. Ümid edirəm ki, peşəkarlığı ilə hamımızı uzun müddət sevindirəcək. Namizədliyim təklif edildikdə, dəvətimdə həlledici rolu olan İqor idi.

Öz məşq metodum var, yaxşı məşqçilərdən - mərhum atamla yanaşı, Nikolay Qontaryadan və Vyaçeslav Çanovdan çox şey öyrənmişəm. Onlar təcrübələrini mənə ötürdülər. Özüm məşqçiliyə başlayanda müvafiq diplomların verildiyi Minsk, Riqa, İstanbulda çoxsaylı kurslara getmişəm. Müasir futbolun yeniliklərini öyrənmək baxımından çox maraqlı idi. Çox adam xarakterimi bilir. Mən bağırmaq, qışqırmaq tərəfdarı deyiləm. Tənqid və tələbdən daha çox şey göstərir və soruşuram. Çoxları bu üslubu bəyənməyə bilər, amma bu, çox vaxt bizə kömək edir".

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Fevral 2021
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28