27 Fevral 2021, Şənbə
“Qarabağ” zirvəyə şərik oldu
"Neftçi"nin Ronaldosu yoxdu"
“Layiqli qələbə qazandıq"
XVII turun hakim təyinatları

Ölkə futbolu

"Sumqayıt"ın hücumçusu: "Azərbaycandan İrana qayıtmaq ən böyük səhv idi"

"İranda bəzi məsələlər oldu. İndi bu barədə danışmaq istəmirəm. Pandemiya ilə bağlı klubda maliyyə problemi yarandı ki, bu da fikir ayrılıqlarına gətirib çıxardı. Nəticədə yollarımızı ayırmağa qərar verdik".

Futbolxeber.az saytının məlumatına görə, bunu "Sumqayıt"ın yeni transfer Mehdi Şərifi İranın "Peykan" klubundan ayrılması barədə danışarkən deyib.

2019/2020 mövsümündə də "gənclik şəhəri" təmsilçisinin formasını geyinmiş 29 yaşlı hücumçu İran futboluna qayıtmasının yanlış addım olduğunu bildirib: "Mənim ən böyük səhvim Azərbaycandan ayrılıb, "Peykan"a qoşulmaq oldu. Halbuki "Sumqayıt"da yaxşı maliyyə şərtləri ilə oynayırdım. Yaxşı ki, səhvimi tez başa düşdüm və daha yaxşı təkliflə "Sumqayıt"a qayıtdım".

Həmyerliləri Əli Qurbani və Höccət Haqverdi ilə eyni komandada çıxış etdiyini xatırladan cənubi azərbaycanlı forvard bunun özü üçün müsbət amil olduğunu söyləyib: "Qurbani "Sumqayıt"da həm özünü yaxşı tərəfdən göstərdi, həm də ölkədə futbol üçün əla şəraitin olduğunu gördü. Haqverdi də mənimlə eyni komandadadır. Bizim eyni klubda oynamağımız yaxşıdır. Bu, daha güclü kollektiv olmağımıza kömək edəcək. Əsas hədəfimiz avrokuboklar zonasına düşməkdir. Ümid edirəm ki, bunun üçün klubda münasib şərait yaradılıb".

Şərifi "Peykan" klubunda baş verənləri yaddan çıxarmaq və formaya düşmək üçün zamana ehtiyacı olduğunu vurğulayıb: "Əvvəlcə fiziki formamı bərpa etməliyəm. "Sumqayıt"a da bunun üçün qayıtdım. Burada hər şeyin düzələcəyinə inanıram. "Sumqayıt"a sonuncu dəfə "Persepolis"dən ayrıldığım vaxt gəlmişdim və fiziki cəhətdən çox yaxşı formada idim. Amma indi vəziyyət başqa cürdür. "Peykan"da başıma gələnlərdən sonra ideal formamı bərpa etmək üçün daha çox çalışmalıyam".

Qeyd edək ki, Mehdi Şərifi "Sumqayıt"la cari mövsümün sonunadək müqavilə imzalayıb.

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Fevral 2021
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28