Samir Abasov: “Başa düşürdü ki, “Neftçi”də kiminsə yerini tutur”

"Bu gün komandamız məşqləri bərpa etdi. Hələlik yalnız yerli oyunçularla hazırlıq keçirik".

Futbolxeber.az saytının məlumatına görə, bu sözləri "Neftçi"nin baş məşqçisi Samir Abasov deyib.

Təcrübəli mütəxəssis “Neftçi TV”yə açıqlamasında bildirib ki, yaxın günlərdə legionerlərin də komandaya qoşulacaqlarını gözləyirlər.

S.Abasov yoxlama matçları üçün rəqib axtarışının davam etdiyini söyləyib: "Ola bilər ki, birinci divizion komandalarından birinə müraciət edək".

“Neftçi”nin çalışdırıvısı qeyd edib ki, komandadan gedən Prins İbaranın yerinə hücumçu axtarışı davam edir: "Hələlik nəticə yoxdur. Bu da normaldır. Çünki indiki mərhələdə heç kim öz hücumçusunu buraxmaz. Ola bilər, kimisə icarəyə götürmək. Axtarışımız davam edir.

İbaranın "Neftçi"də xoşbəxt deyildi. Başa düşürdü ki, burada kiminsə yerini tutur və özünü göstərə bilməyib. Təbii ki, özü getmək istədi".