"Zirə" - "Neftçi": yubiley oyununa doğru

Bu həftə Azərbaycan Premyer Liqasının 9- cu turu çərçivəsində “Zirə” səfərdə “Neftçi” ilə qarşılaşacaq.

Futbolxeber.az saytının "Zirə"nin Feysbuk səhifəsinə istinadən verdiyi məlumata görə, bu, iki komanda arasında yubiley - 20-ci qarşılaşma olacaq.

İlk dəfə 2015-ci ildə üz-üzə gələn rəqiblər indiyədək Premyer Liqa çərçivəsində 19 dəfə görüşüb. “Zirə” bu matçlarda üstünlüyə malikdir. Aktivində 10 qələbə olan “qartallar” 5 dəfə bir xalla kifayətlənib və yalnız 4 matçda uduzub. 22 qol vuran komanda 18 top buraxıb.

 “Neftçi”yə qarşı səfər matçlarında da üstünlük “qartallar”ın tərəfindədir. Səfərdəki 9 oyunda 3 qələbə və 4 heç-heçə əldə edən “Zirə” rəqib meydanında iki məğlubiyyət alıb. Bu görüşlərdə top fərqi meydan sahiblərinin xeyrinədir. Komanda 11 qol vurub, 13-nü buraxıb.

Qeyd edək ki, “Neftçi” - “Zirə” oyunu noyabrın 28-də keçiriləcək.