9 Mart 2021, Çərşənbə axşamı
“Neftçi” liderliyini möhkəmləndirdi
Arazdan 2 məhsuldar ötürmə
"Zirə"də fransalı hücumçu
XX turun oyun cədvəli açıqlandı

Ölkə futbolu

“Qoldan sonra komandam ayıldı”

"Maraqlı görüş alındı. İlk hissədə rəqib öz oyununu göstərməyi bacardı. Düzdür, qol imkanı yaratmağa imkan vermədik. Amma tam istədiyimiz kimi oynamadıq. İkinci hissədə isə qoldan sonra komandam ayıldı. Layiqli qələbə qazandıq".

Futbolxeber.az saytının məlumatına görə, bunu İspaniya "Vilyarreal"ının baş məşqçisi Unay Emeri UEFA Avropa Liqasının I qrupunun II turunda "Qarabağ"a 3:1 hesabı ilə qalib gəldikləri səfər oyunundan sonra mətbuat konfransında deyib.

2 il əvvəl İngiltərə "Arsenal"ının sükanı arxasında olarkən qarşılaşdığı "Qarabağ"la hazırkı komandanı müqayisə edən 49 yaşlı mütəxəssis ciddi dəyişiklik görmədiyini bildirib: "Qarabağ"ın çox cəzbedici oyunu var. Adama xoş gəlir. İki il əvvəlki ilə indiki komanda hardasa oxşardır".

İspaniyalı baş məşqçinin sözlərinə görə, qol buraxandan sonra komandası sakitliyini qoruya bilib: "Bunun nəticəsində qələbə qazandıq. Penalti oyunun nəticəsinə təsir etmədi. VAR sistemi ilə daha dəqiq müəyyənləşdirmək olardı. Məncə, təmas var idi".

"Qarabağ"ın qrupdan çıxma şanslarını dəyərləndirən Emeri bunları deyib: "Bu gün qələbə bizim üçün vacib idi. Qrupda birinci olmaq istəyirik. Qarşıda oyunlar var. Düşünürəm ki, "Qarabağ"ın da şansı mövcuddur".

Baş məşqçi ilk turda qarşılaşdıqları Türkiyə "Sivasspor"u ilə "Qarabağ" arasında müqayisə də aparıb: "Hər iki komanda bizi çətin duruma saldı. "Sivasspor" Türkiyənin yaxşı komandalarından biridir. Düzdür, bu gün "Makkabi"yə uduzdular. Amma şansları davam edir. "Makkabi"ni tanımıram. "Qarabağ"da isə Xayme Romero, Kevin Medina kimi futbolçular var. Həm "Sivasspor", həm də "Qarabağ" bu qrupdan çıxa bilər" (“Report”).

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2021
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31