“Azərbaycanla oyun ərzində gərəksiz səhvlər etdik”

Qadınlardan ibarət komandalar arasında Avropa çempionatının seçmə qrup mərhələsi çərçivəsində Xomutov şəhərində keçirilmiş Çexiya - Azərbaycan oyunundan (3:0) sonra çexlərin baş məşqçisi Karel Rada qarşılaşma haqda fikirlərini açıqlayıb.

Futbolxeber.az-ın AFFA-nın rəsmi saytına istinadən verdiyi məlumata görə, o deyib:

“Əlbəttə, bu oyunda qələbə qazanmaq bizim üçün çox vacib idi. İlk hissədə daha çox qol vurmaq şansımız oldu. Fasilədən sonra da bir neçə imkan yaratdıq. Oyun ərzində gərəksiz səhvlər etdik. Daha sakit olmalı və yaratdığımız imkanlardan maksimum istifadə etməli idik”.