"Neftçi" zirvəni ələ keçirdi

Bu gün Azərbaycan Premyer Liqasında 7-ci tura start verilib.

Futbolxeber.az saytının məlumatına görə, ilk dövrənin son turunun açılış matçında “Qəbələ” öz meydanında “Səbail”i qəbul edib. İlk hissədə hərəyə 1 qol vuran tərəflər heç-heçəyə razılaşıblar.

Günün digər oyununda isə “Keşlə” öz meydanında “Neftçi” ilə üz-üzə gəlib. Görüşdə taleyin 1 qol həll edib. Namiq Ələsgərovun sayəsində növbəti 3 xalının qazanan "Neftçi" ən azı 1 günlük turnir cədvəlində zirvəni ələkeçiriblər.

Qeyd edək ki, tura sabah keçiriləcək 2 matçla yekun vurulacaq.

Azərbaycan Premyer Liqası

VII tur

24 oktyabr

“Qəbələ” - “Səbail” 1:1

Qollar:Yurgen Qoxa, 4 (1:0), Hendrik Ekşteyn, 26 (1:1)

Hakimlər: İnqilab Məmmədov, Namiq Hüseynov, Nahid Əliyev, Vüqar Həsənli

Qəbələ şəhər stadionu

“Keşlə” - “Neftçi” 0:1

Qol: Namiq Ələsgərov, 68

Hakimlər: Rəşad Əhmədov, Eyyub İbrahimov, Cavanşir Yusifov, Rövşən Rəcəbov

ASK Arena

25 oktyabr

14:00. “Sabah” - “Sumqayıt”

16:00. “Zirə” - “Qarabağ”

Bombardirlər: Əli Qurbani ("Sumqayıt"), Namiq Ələsgərov ("Neftçi") - 5 qol, Davit Volkov ("Zirə") - 4 qol