Sevindirici haldır ki, Azərbaycan millisi ilə oyun baş tutdu”

Qadınlardan ibarət komandalar arasında Avropa çempionatının seçmə qrup mərhələsi çərçivəsində Varşada keçirilmiş Polşa - Azərbaycan (3:0) oyunundan sonra polşalıların baş məşqçisi Miloşz Stepinski qarşılaşma haqda fikirlərini açıqlayıb.

Futbolxeber.az-ın AFFA-nın rəsmi saytına istinadən verdiyi məlumata görə, o deyib:

“Sevindirici haldır ki, pandemiya olmasına baxmayaraq, bu oyun baş tutdu. Azərbaycan Polşaya gələ bildi və biz bu oyunu oynadıq. Oyuna gəlincə, nəticədən tam razı qaldım, amma ikinci hissədədəki oynumuz məni qane etmədi. Çünki yaratdığımız qol imkanlarından istifadə edə bilmədik. Bu amil məni çox narahat edir. Komanda olaraq bu çatışmazlığı aradan qaldırmalıyıq”.