26 Noyabr 2020, Cümə axşamı
"Qarabağ"la oyun çətin olacaq"
Prezident xalqa müraciət edib
“Qarabağ” İstanbula yollanır
Şuşanın havadan görüntüsü

Ölkə futbolu

Elxan Məmmədov: “Millimizin və “Qarabağ”ın oyunları neytral meydanda keçirilə bilər”

Azərbaycan yığmasının UEFA Millətlər Liqasında Monteneqro ilə, "Qarabağ"ın isə Avropa Liqasının qrup mərhələsində İspaniya "Vilyarreal"ı ilə ev matçı neytral meydanda keçirilə bilər.

Futbolxeber.az saytının məlumatına görə, bu barədə AFFA-nın icraçı vitse-prezidenti Elxan Məmmədov İctimai televiziyada yayımlanan "Bol İdman" verilişində deyib.

O bildirib ki, UEFA rəhbərliyi ölkədəki məsələrlərdən xəbərdardır. Məmmədov mütəmadi olaraq Avropa futbol qurumunu məlumatlandırdıqlarını sözlərinə əlavə edib: "Gəncə hadisələrindən də məlumat vermişik. Təbii ki, onların xəbəri var. Xəbərləri izləyirlər, tanış olurlar. Bütün dünya bu terror hadisəsi ilə bağlı fikrini səsləndirib".

Assosiasiya rəsmisi hər iki oyuna görə UEFA-nın xüsusi qərarı ola biləcəyini söyləyib: "Ehtimal var ki, bu iki qarşılaşma neytral meydanda təşkil edilsin. Onlar prosesi yaxından izləyirlər, bilirlər ki, Ermənistan tərəfindən döyüş zonasından uzaqda mülki əhaliyə raketlər atılır. UEFA riskləri də anlayır, ona görə də düşünürəm ki, müvafiq qərarları olacaq. Ya da icazə verəcəklər ki, Bakıda oynayaq. Növbəti 48 saat ərzində və ya həftəsonu qərar ola bilər".

Məmmədov oyunların hansı ölkədə keçiriləcəyi ehtimalına da münasibət bildirib: "UEFA-nın koronavirus pandemiyasına görə qərarı var idi və orada üç ölkə seçilmişdi. Bunlar Macarıstan, Polşa və Kiprdir. Həmin ölkələr icazə vermişdi ki, pandemiyaya baxmayaraq, hər komandanı qəbul etməyə hazırdırlar. Lakin burada məsələ koronavirus deyil, bir az fərqlidir. Ola bilsin ki, həmin ölkələr tövsiyə olunsun və yaxud yeni məkanlar təklif edə bilərlər. Son söz UEFA-nındır. Məkanlarla bağlı "Qarabağ" klubu və AFFA ilə məsləhətləşəcəklər, öz sözümüzü deyəcəyik. Görüşlərin neytral meydanda və ya Bakıda olmasını UEFA müəyyənləşdirəcək".

Qeyd edək ki, "Qarabağ" Avropa Liqasının II turunda İspaniya "Vilyarreal"ını oktyabrın 29-da Tofiq Bəhramov adına Resublika Stadionunda qəbul etməlidir. Azərbaycan yığması Monteneqro ilə noyabrın 14-də qarşılaşacaq. 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2020
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30